विदेशी युवा-युवतीद्वारा स छ्वान प्रान्तको हजारौँ वर्ष लामो इतिहासको अनुभव
2021-11-29 15:20:16cri
Share with:

विदेशी युवा-युवतीद्वारा स छ्वान प्रान्तको हजारौँ वर्ष लामो इतिहासको अनुभव_fororder_1

वर्तमान चीन र विश्व अनुसन्धान प्रतिष्ठानद्वारा आयोजित “अन्तर्राष्ट्रिय युवा-युवतीहरुको चीनको यात्रा” कार्यक्रम हालै चीनको स छ्वान प्रान्तमा सम्पन्न भएको छ। पाँच दिनको अवधिमा १४ मुलुकका २१ युवा-युवतीहरुले अघि पछि गरी छङ तु, वन छ्वान, तु च्याङ यान र यि पिन लगायत स्थलको भ्रमण गरी स छ्वान प्रान्तको हजारौँ वर्षको इतिहास र मानव जाति तथा प्रकृति बीचको मेलमिलाप सह-अस्तित्वको “मन्द जीवन”को महसूस गरेका छन्।

स छ्वान प्रान्त “अन्तर्राष्ट्रिय युवा-युवतीहरुको चीनको यात्रा” कार्यक्रमको अन्तिम गन्तव्य स्थल हो। विदेशी युवा-युवतीहरुले छड तुमा रहेको चीन युरोपेली केन्द्रमा स छ्वान र विश्वबीच अन्तरसम्पर्क तथा अन्तर सह-कार्यको पूर्ण रुपमा महसूस गरेका छन् साथै छिङ छङ शानमा चिया बनाउने कलाकारसँग प्राचीन चिया-घोडा बाटोको इतिहासबारे जानकारी लिएका छन्।

वन छ्वान काउन्टीको यीङ श्यु जिल्लालाई सन् २००८ को मे १२ तारिख गएको विनाशकारी भूकम्पले भयंकर ध्वस्त पारेको थियो। विदेशी युवा-युवतीहरुले श्वेन खौ माध्यमिक विद्यालयको भग्नावशेषमा मृतकहरुलाई फूल अर्पण गरी श्रद्धाञ्जली व्यक्त गरेका छन्। भूकम्पपछि पुन:निर्मित नयाँ यीङ श्यु जिल्लाको अवलोकन गरेपछि सीपै विश्वविद्यालयमा अध्ययनरत मेहाद मौसालाई प्रकोपपछि चीनको पुन:निर्माणको द्रूत गतिप्रति आश्चर्य लागेको छ।

यहाँ अवलोकन गरेपछि मलाई चिनियाँहरु निकै श्रेष्ठ लागेका छन्। यस्तो विनाशकारी प्रकोपपछि हाल यहाँ नयाँ संसार जस्तै देखिन्छ। त्यसैले मेरो मनमा गहिरो छाप परेको छ।

२ हजार वर्षअघि निर्मित तु च्याङ यान जल संभार परियोजनाले अहिलेसम्म पनि छङ तु मैदानलाई सिँच्दै आएको छ। चिनियाँ अन्तर्राष्ट्रिय टेलिभिजनकी संचालिका एभामारिया मैयरले यहाँ अवलोकन गरेपछि तु च्याङ यानमा पर्यटन सम्बन्धी एउटा कार्यक्रम बनाउनसक्ने आशा राखेकी छिन्।

२ हजार वर्षअघि प्राचीन कालका मानिसहरुले सिर्जनात्मक तरिकामार्फत यस्तो विशाल जल संभार परियोजना बनाएकोमा मलाई आश्चर्य लागेको छ। एकदम राम्रो छ।

क्वाङ हान शहरमा रहेको सान सिङ तुई सङ्ग्रहालयमा विदेशी युवा-युवतीहरुले प्राचीन कांस्य र सुनका वस्तुहरू हेर्न पाएका छन्। शान्ति अन्तर्राष्ट्रिय अस्पतालकी चिकित्सक सुमायाह १३ वर्षदेखि चीनमा बस्दैआएकी छिन्। यस पटकको अवलोकनप्रति उनी गदगद भएर भन्छिन्,

अहिले म सान सिङ तुई सङ्ग्रहालयमा छु। मैले धेरै पूरातात्विक वस्तुहरुको अवलोकन गरेकी छु। यी पूरातात्विक वस्तुहरु निकै रमणीय छन् र यिनीहरुको आफ्नो कथा छ। प्राचीनकालको सु-संस्कृतिबारे अरु बढी जान्न चाहेमा सान सिङ तुई सबैभन्दा उपयोगी छनौट हो भन्ने मलाई लागेको छ। सान सिङ तुईमा एउटा पूरातात्विक वस्तुको उचाइ ३ मिटर छ,यसले मलाई छक्क पार्‍यो।

छङ तुको पाण्डाको प्रजनन् र अनुसन्धान केन्द्र विदेशी युवा-युवतीले छङ तुमा सबैभन्दा मन पराउने स्थल हो। विश्वको पहिलो पाण्डासँग अन्तर्क्रिया गर्ने सङ्ग्रहालयमा उनीहरुले विशेषज्ञसँग आदान-प्रदान गरी पाण्डाको प्रजनन् कार्यबारे जानकारी लिएका छन्। शाङ हाई छ्वान यिन लिमिटेड कम्पनीकी कर्मचारी आलिसन्ले पाण्डा पहिलो पटक देखेकी हुन्। उनले आफ्नो अनुभव इक्वेडोरका साथीहरूसँग बाँड्ने इच्छा गरेकी छिन्।

पाण्डा कस्तो मनोहर रहेछ। यहाँ आएपछि मैले पाण्डा सम्बन्धी धेरै कुरा जानेकी छु। अरु बढी मानिसहरु यहाँ आएर पाण्डाबारे जानकारी लिनसक्ने आशा मैले राखेकी छु।