अविरल वर्षाका कारण आज बिहीबार बिहान कोशी नदीमा पानीको बहाव 2 लाख 65 हजार 196 प्रतिसेकन्ड क्युसेक पुगेको छ। यो बहाव 2065 सालमा पूर्वी तटबन्ध फुट्दाको भन्दा बढी हो।
नागरिक अनलाइनका अनुसार पानीको बहाव 2 लाख नाँघेपछि 34 ढोका खोलिएका छन्। कोशी ब्यारेजको पूर्व-पश्चिम दुवैतर्फ खतरा सूचक रातो झन्डा गाडिएको छ।
कोशीमा 9 लाख क्युसेक प्रतिसेकेन्ड पानी धान्ने क्षमता भए पनि नेपालतर्फ पर्ने ब्यारेजको माथिल्लो भागमा बालुवा जमेका कारण थोरै पानीमै पनि खतरा हुने गरेको छ। 2065 भदौ 2 गते 1 लाख 68 प्रतिसेकेन्ड क्युसेक हुँदा पश्चिम कुसाहामा पूर्वी तटबन्ध भत्काएर कोशीले सुनसरीका चार गाविसको मानव बस्ती ध्वस्त पारेको थियो।
