सिन्ह्वा समाचार समितिका अनुसार चिनियाँ राष्ट्राध्यक्ष सी चिन फिङले आज 22 तारखि नादीमा फिजीका प्रधानमन्त्री बाइनि मारामासँग भेट वार्ता गर्नुभएको छ।
सो भेट वार्तामा चीनले फिजीसँगको सहयोग तथा आदान-प्रदान बढाउने र दुई देशबीचको सम्बन्धलाई अझ बढी प्रबर्द्धन गर्ने इच्छा राष्ट्राध्यक्ष सीले औंल्याउनुभएको छ। उहाँले फिजीमा यातायात र कृषि राम्रो रहेको भन्दै वनसम्पदा तथा खनिज आदि श्रोतले धनी भएको बताउनुभयो। चीनको प्रविधि राम्रो र बजार पनि व्यापक भएकाले दुवै देशले आपसमा लाभ लिन सक्ने अत्यधिक संभावना रहेको बताउनुभयो।
फिजीका प्रधानमन्त्री बाइनी मारामाले चीनको योगदान तथा सहयोग प्रति फिजीका जनता खुशी भएको बताउनुभयो। फिजी र चीनबीचको सम्बन्धको आधार विकसित हुँदै आएको र यी दुई देशबीचको सहयोगको क्षेत्र व्यापक रहेको पनि उहाँले भन्नुभयो।