जन गणतन्त्र चीन स्थापनाको 66औं वार्षिकोत्सवका अवसरमा चिनियाँ राज्य परिषदले सेप्टेम्बर 30 तारिख राति जन वृहत सभा भवनमा रात्रिभोज समारोहको आयोजना गरेको छ। राष्ट्राध्यक्ष सी चिन फीङ्ग, प्रधानमन्त्री ली ख छ्याङ्ग लगायत नेतागण र लगभग एक हजार एक सय जना उच्च स्तरीय व्यक्तिहरु सो समारहोमा सहभागी भई नयाँ चीनको जन्म दिवस मनाउनु भएको छ।
प्रधानमन्त्री ली ख छ्याङ्गले समारोहमा महत्वपूर्ण सम्बोधन गर्नुभएको छ। उहाँले चिनियाँ कम्युनिष्ट पार्टी केन्द्रीय समिति, राज्य परिषदको प्रतिनिधित्वमा चीनका विविध जातीय जनतालाई हार्दिक बधाई व्यक्त गर्नुभयो। हङ्गकंङ्ग, मकाउ र थाइवानका देशबन्धु र विदेशमा बसोबास गरेका चिनियाँ मूलका विदेशी तथा प्रबासी चिनियाँहरुलाई हार्दिक अभिवादन व्यक्ति गर्दै प्रधानमन्त्री लीले चिनियाँ आधुनिकीकरण निर्माणमा नजर पुर्याउने र सहयोग दिने अन्तर्राष्ट्रिय मित्रलाई हार्दिक धन्यवाद ज्ञापन गर्नुभयो।
खुशीयाली संगीतमा चिनियाँ तथा विदेशी सहभागीहरुले नयाँ चीन स्थापना भएको 66औँ वार्षिकोत्स मनाउनुका साथै चीनको समृद्धि तथा प्रगति, विविध जातीय जनता खुशी र सुखी हुने तथा चिनियाँ जनता र विदेशी जनताबीचको मित्रता तथा सहयोग अमर रहने शुभकामना व्यक्त गरेका छन्।
