नेपाल राष्ट्र बैंकले चीनमा छापिएका 20 करोड थान एक हजार दरका नयाँ नोट बजारमा ल्याएको छ। चिरञ्जीवी नेपाल गर्भनर भएपछि राष्ट्र बैंकले पहिलो पटक उहाँको हस्ताक्षर भएको 2 खर्ब रुपैयाँ बराबरका उक्त हजार दरका नोट बजारमा ल्याएको नागरिक अनलाइनले लेखेको छ।
चीनको मिन्टिङ प्रिन्टिङ प्रेसमा छपाएर ल्याइएको उक्त नयाँ नोटको छपाइ लागत 1 रुपैयाँ 90 पैसा रहेको बैंकले जनाएको छ। यसअघि उक्त दरको नोट छाप्दा 3 रुपैयाँ 92 पैसा लाग्ने गरेको राष्ट्र बैंक मुद्रा व्यवस्थापन विभागका प्रमुख भुवन कँडेलले बताउनुभयो।
'सम्झौता गरेको साढे 7 महिनामा उक्त दरको नोट ल्याउन केन्द्रीय बैंक सफल भएको हो,' उहाँले भन्नुभयो, 'यसअघि उक्त दरको नोट छाप्न सम्झौता भएको मितिले 15 महिना लाग्ने गरेको थियो।' नयाँ नोट हिजो मंगलबारदेखि चलनचल्तीमा ल्याएको उहाँले बताउनुभयो।
