एशियाली विकास बैंकले फेब्रुअरी 28 तारिख हंगकंगमा सार्वजनिक गरेको प्रतिवेदनअनुसार, सन् 2016 देखि सन् 2030 सम्म एशियाको पूर्वाधारको लगानी माग 260 खर्ब अमेरिकी डलरभन्दा बढी पुग्ने र सरदर वार्षिक माग 17 खर्ब अमेरकी डलर हुनेछ।
"एशियाको पूर्वाधार निर्माण माग" शीर्षकको प्रतिवेदनमा एशियाको ऊर्जा स्रोत, यातायात, दूर-सञ्चार, जल संभार, स्वास्थ्य क्षेत्रको आधारभूत प्रबन्धलाई महत्व दिइएको छ।
एशियाली विकास बैंकका प्रथम उप-अर्थशास्त्री च्वाङ च्यु चुङले बित्तीय सुधार गर्नुपर्ने र निजी लगानीलाई आधारभूत प्रबन्धको निर्माणमा संलग्न हुन आकर्षित गर्नुपर्ने कुरामा जोड दिनुभयो। साथै उहाँले चीनको आधारभूत प्रबन्धको निर्माण राम्रोसँग गरिएको, चीन सरकारले पनि गैर-सरकारी लगानीलाई आधारभूत प्रबन्धको निर्माणमा संलग्न हुन प्रोत्साहन गरेको कुरा बताउनुभयो। चीन सरकारद्वारा प्रस्तुत गरिएको "एक पेटी एक मार्ग" रणनीति पनि एशियाको आर्थिक बृद्धिको टेवा बन्ने कुरा उहाँले व्यक्त गर्नुभयो।
