फन्ट डाउनलोड
सि.आर.आइको संक्षिप्त परिचयनेपाली सेवाको संक्षिप्त परिचयसम्पर्कका लागि

रेशमी मार्गमा हस्ताक्षरपछि नेपाल–चीन सम्बन्ध नयाँ उचाइमा पुगेको नेपालका उपप्रधानमन्त्रीको भनाइ

(GMT+08:00) 2017-06-07 16:10:56
नेपालका उपप्रधान तथा तत्कालीन अर्थमन्त्री कृष्णबहादुर महराले 'एक क्षेत्र एक मार्ग' परियोजनामा नेपालले हस्ताक्षर गरेपछि नेपाल–चीन पारस्परिक सम्बन्ध नयाँ उचाइमा पुगेको बताउनु भएको छ। चीन–तिब्बत सांस्कृतिक मञ्चको हिजो मंगलबार काठमाडौँमा उद्घाटन गर्दै तत्कालीन अर्थमन्त्री महराले परम्परागत नेपाल–चीन सम्बन्ध पछिल्ला दिनमा अझ विस्तारित भएको बताउनु भएको राष्ट्रिय समाचार समितिले लेखेको छ।

कार्यक्रममा पूर्वप्रधानमन्त्री माधवकुमार नेपालले जुनसुकै पार्टीको नेतृत्वमा नेपालमा सरकार गठन भए पनि एक चीन नीतिप्रति सधैँ प्रतिबद्ध रहने बताउँदै नेपालप्रति आशङ्का नगर्न चिनियाँहरुलाईआग्रह गर्नुभयो। नेपालका लागि चीनका राजदूत यु होङले चीन र नेपालबीचको मैत्रीपूर्ण सम्बन्ध अत्यन्त पुरानो रहेको र भृकुटी र स्रङ्चङगम्पोले अझ मजबुत तुल्याएको बताउँदै नेपालको विकास प्रयासमा चीनको निरन्तर सहयोग रहने दृढता व्यक्त गर्नुभयो।

तिब्बतसम्बन्धी चिनियाँ अनुसन्धान केन्द्रका नायब महानिर्देशक आन चीले नेपाल र चीनबीचको सांस्कृतिक आदानप्रदानको महत्वपूर्ण आधार बुद्ध धर्म हो भन्दै शाक्यमुनि गौतमबुद्धको जन्मस्थल नेपालप्रति चिनियाँहरुमा अगाध स्नेह रहेको बताउनुभयो।

नेपाल अरनिको समाजका अध्यक्ष सर्वोत्तम श्रेष्ठले नेपाल–चीन जनस्तरको सम्बन्धलाई पनि उत्तिकै महत्वका साथ लिनुपर्नेमा जोड दिनुभयो।

दुई दिनसम्म सञ्चालन हुने उक्त मञ्चमा चीनका 17 र नेपाली 15 जना विद्वानले भाग लिएका छन्। साथमा तिब्बतसम्बन्धी तस्बिर र पुस्तक प्रदर्शनी पनि आयोजना गरिएको छ।

रासस

जानकारी तथा लेखहरु