चीनको राज्य परिषद्को प्रेस कार्यालयद्बारा पठाइएको चिनियाँ तिब्बती सांस्कृतिक आदान-प्रदान मण्डलले अगष्ट बीसदेखि तेईस तारिखसम्म जापानको भ्रमण गरेको छ। मण्डलका सदस्यहरूमध्ये पैचिङ र तिब्बतका तिब्बती शास्त्री र तिब्बती चिकित्सा सम्बन्धी विशेषज्ञ, तिब्बती अधिकृत र अवतारीहरू समावेश छन्।
प्राप्त जानकारी अनुसार, भ्रमण मण्डलले गत एकाईस तारिख बेग्ला बेग्लै गरी जापानी सांसद र जापानका दशवटा मुख्य सञ्चार-माध्यमका पत्रकारहरूसँग वैचारिक आदान-प्रदान गरेको थियो।
आदान-प्रदानको क्रममा चीनको तिब्बती शास्त्र अनुसन्धान केन्द्र मातहतको धार्मिक अनुसन्धान कार्यालयका प्रमुख चौ वैले मुख्यत: तिब्बती धर्मको वास्तविक अवस्थाबारे जानकारी दिनुभएको थियो।
भ्रमण अवधिमा भ्रमण मण्डलले नागोया शहरमा अवस्थित जापानको एउटा मात्र तिब्बती बौद्ध धर्म गुम्बा चाम्बरिन गुम्बाको पनि अवलोकन गरेको छ।
