चिनियाँ परराष्ट्र मन्त्रालयकी प्रवक्ता व्हा छुन यीङले पाँच तारिख जनाउनुभएअनुसार आशियानको वर्तमान अध्यक्ष मुलुक फिलिपिन्सका राष्ट्रपति रोड्रिगो डुर्टेटको निमन्त्रणामा चीनको राज्य परिषदका प्रधानमन्त्री ली ख छ्याङ्गले यसै नोभेम्बर 12 देखि 16 तारिखसम्म फिलिपिन्सको भ्रमण गर्नुहुने भएको छ।
भ्रमणका क्रममा उहाँले मनिलामा आयोजना हुन लागेको बीसौं चीन-आशियान नेतास्तरीय सम्मेलन, बीसौं आशियान तथा चीन जापान दक्षिण नेतास्तरीय र बाह्रौं पूर्वी एशियाली शिखर सम्मेलन लगायतका कार्यक्रमहरूमा भाग लिनुहुने कार्यक्रम छ। साथै उहाँले फिलिपिन्सको राजकीय भ्रमण पनि गर्नुहुने प्रवक्ता ह्वाले जानकारी दिनुभयो।
