तेह्रौँ राष्ट्रिय जन काँग्रेसको पहिलो अधिवेशनले आज उन्नाईस तारिख पैचिङमा मतदान गरी हान चङ, सोन छोन लान, हु छोन ह्वा, लिउ हलाई उप-प्रधानमन्त्रीमा र वी फङ ह, वाङ युङ, वाङ यी, स्याउ च्ये, चाउ ख चलाई राज्य परिषदको सदस्यमा नियुक्त गर्ने निर्णय गरेको छ।
अधिवेशनले प्रधानमन्त्री ली ख छ्याङको मनोनयनअनुसार मतदान गरी मन्त्री, समितिका प्रमुखहरु, चीन जन बैङ्कका गभर्नर, लेखा परीक्षक, महासचिवलाई नियुक्त गरेको छ। साथै तेह्रौँ राष्ट्रिय जन काँग्रेसमातहत विभिन्न विशेष समितिका अध्यक्ष, उपाध्यक्ष र सदस्यको नामावली पनि अधिवेशनमा पारित भएको छ।
आज राष्ट्राध्यक्ष सी चिन फिङले दोस्रो राष्ट्राध्यक्ष आदेश हस्ताक्षर गरी अधिवेशनको निर्णयको आधारमा अधिवेशनमा पारित भएका राज्य परिषदका अरु सदस्यलाई नियुक्त गर्नुभएको छ।
आजको पूर्ण बैठकका विभिन्न विषय सम्पन्न भएपछि राज्य परिषदका उप-प्रधानमन्त्री र सदस्यहरुले सपथग्रहण गर्नुभयो।
