'सातौं नेपाल हर्ब्स आयुर्वेदा एक्स्पो'काठमाडौंको भृकुटीमण्डपमा शुक्रबार सुरु भएको छ। एक्स्पोको उद्घाटन गर्दै वन तथा वातावरणमन्त्री शक्तिबहादुर बस्नेतले वन, जंगल र जडीबुटीको अधिकतम उपभोग गर्दै यसको उत्पादन, प्रशोधन र वितरणमा लाग्नुपर्ने बताए।
निकासीजन्य जडीबुटीमा कच्चा जडीबुटी भारत र चीन निकासी भइरहेको र सुगन्धित तेलहरू युरोप निर्यात भइरहे तापनि जडीबुटी निर्यात १० वर्षमा १० प्रतिशतले मात्र वृद्धि भएको छ।
बताए अनुसार, आव २०७३/७४ मा औषधिजन्य जडीबुटी ९९ सय करोड र सुगन्धित तेल ४० करोड रुपैयाँको निर्यात भएको थियो। उक्त एक्स्पो आईतबारसम्म चल्ने छ।