फन्ट डाउनलोड
सि.आर.आइको संक्षिप्त परिचयनेपाली सेवाको संक्षिप्त परिचयसम्पर्कका लागि

नेपालद्वारा वार्षिक १२ करोडको लेन्स निर्यात

(GMT+08:00) 2018-05-09 16:42:26

        नेपालको तिलगंगा आँखा अस्पतालले वार्षिक १२ करोड रुपैयाँ बराबरको लेन्स निर्यात गरेको छ। ठूलो परिमाणमा चश्माको लेन्स आयात भइरहेकाले बेला अस्पतालले १२ करोड रुपैयाँ बराबरको २ लाख संख्यामा लेन्स निर्यात गर्दै आएको कारोबार अनलाइनले लेखेको छ।

        मुलुकबाट तिलगंगा अस्पताललेमात्र वाह्य मुलुकमा लेन्स निर्यात गर्दछ। गुणस्तरीय उत्पादनका कारण नेपाली लेन्सको माग बढ्दो छ। अस्पतालले वार्षिक रूपमा ३ लाख ५० हजार संख्यामा लेन्स उत्पादन गर्छ। तिलगंगा अस्पतालका उत्पादनतर्फका निर्देशक नवीन अधिकारीले चीन, पाकिस्तान, भियतनाम, कम्बोडिया, साउथ अफ्रिका, श्रीलंका, थाल्यान्ड, ताइवान, फिलिपिन्स, मंगोलियालगायतका देशमा लेन्स निर्यात हुने गरेको जानकारी दिनुभयो। लेन्स बनाउनका लागि आवश्यक पर्ने कच्चा पदार्थ युरोपबाट आयात हुने गरेको अस्पतालले जानकारी दिएको छ। प्रतिपिस लेन्सको लागत ३ सय रुपैयाँदेखि २ हजार रुपैयाँ पर्ने अस्पतालले जानकारी दिएको छ। अस्पतालले विभिन्न प्रकारका लेन्स उत्पादन गरी निर्यात गर्ने गरेको छ।

         सरकारले लेन्स उत्पादन वृद्धि गरेर निर्यात बढाउनका लागि अस्पतालले १० करोड रुपैयाँ अनुदान सहयोग गरेको छ। मंगलबार आयोजित कार्यक्रममा उद्योग वाणिज्य तथा आपूर्तिमन्त्री मातृकाप्रसाद यादवले तिलगंगा आँखा प्रतिस्ठानका प्रमुख डा. सन्दुक रुइतलाई १० करोड रुपैयाँको चेक हस्तान्तरण गर्नु भएको छ। तिलगंगा अस्पतालले थप लेन्स उत्पादन गरेर निर्यात बढाउन सहयोग गर्ने मन्त्री यादवको भनाइ छ।

     'नेपाल आँखा कार्यक्रम'ले उत्पादन गर्दै आएको मोतियाविन्दुको शल्यक्रियापछि राखिने इन्ट्रअकुलर लेन्स उत्पादन क्षमता अभिवृद्धि गर्न रु १० करोड अनुदान उपलब्ध गराएको हो।

        कार्यक्रममा मन्त्री यादवले मोतियाविन्दुको अपरेसनपछि राखिने लेन्स उत्पादन गरी विश्वका विभिन्न मुलुकमा निर्यात गरी व्यापारघाटालाई कम गर्न महत्वपूर्ण सहयोग पुगेको बताउनुभयो। मन्त्रालयका वाणिज्य सचिव चन्द्रकुमार घिमिरेले लेन्स उत्पादन गरी निर्यात गर्ने क्षमता अभिवृद्धिका लागि अनुदान सहयोग गरेको बताउनुभयो। लेन्स उत्पादन बढाएर आयातप्रतिस्थापन गरी नियार्त प्रवद्र्धन गर्न सके व्यापार घाटा कम हुने उहाँको भनाइ छ।

        अस्पतालका प्रमुख डा. रुइतले सरकारले उपलव्ध गराएको सहयोगले लेन्स उत्पादन बढाउन सकिने बताउनुभयो। २५ वर्ष देखि लेन्स उत्पादन गरेर अन्तराष्ट्रिय बजारमा निर्यात गरिरहेको बताँउदै रुइतले उत्पादन बढाएर निर्यात बढाउदै जाने बताउनुभयो। अस्पतालका अनुसार फोल्डेबल लेन्सको लागत १ हजार २ सय, हाइड्रोफोविक २ हजार र यल्लो पेस्टेरिक लेन्सको लागत १ हजार ६ सय रुपैयाँ पर्ने गर्छ।

जानकारी तथा लेखहरु