|
|
|
||
चिनियाँ सहयोगमा संचालित नेपाली युवालाई रोजगारी क्षमताको छ महिने तालिम आज सम्पन्न भएको छ। २० जना नेपाली युवाहरु सहभागी भएको सो तालिमबाट दीक्षित हुनेमध्ये ७ जनाले काम पनि पाइसकेका छन्।
आज अपरान्ह काठमाडौँमा आयोजित सो तालिम समापन समारोहमा तालिमको आयोजक चीनको स्वायत्त प्रदेश तिब्बतको गुडवील फाउन्डेसनका जिम्मेवार व्यक्ति मा च चेनले सम्बोधन गर्नु भएको थियो। आफ्नो संस्थाले गहन रुपमा नेपालमा यो तालिम संचालन गरेको बताउँदै उहाँले श्रमिकले सीप र प्रविधिबाट फाइदा उठाउँदा आफूलाई खुशी लागेको बताउनुभो। विगत छ महिनामा पाएको अवसरबाट श्रमिकले आधा सपना पूरा भएको उहाँले बताउनुभयो।
काठमाडौँस्थित चिनियाँ दूताबासका काउन्सिलर ली छुन याङले यस्तो तालिमले चीन र नेपाल सम्बन्धको प्रवर्द्धनलाई राम्रो योगदान दिने बताउँदै सो तालिममा आफू दोस्रोपटक उपस्थित भएको बताउनुभयो। उहाँले चिनियाँ राजदूत यु होङको तर्फबाट शुभकामना पनि दिनुभयो।
सो कार्यक्रममा तालिममा सहभागी युवा र उनीहरुका अभिभावकले नाचगान पनि प्रस्तुत गरेका थिए।
सीआरआई नेपाली सेवाका लागि
वर्षा
काठमाडौँ
© China Radio International.CRI. All Rights Reserved. 16A Shijingshan Road, Beijing, China. 100040 |