चिनियाँ अपाङ्ग संघको सातौँ राष्ट्रिय सम्मेलन आज सेप्टेम्बर चौध तारिख पैचिङमा सुरु भएको छ। चिनियाँ कम्युनिष्ट पार्टी केन्द्रिय समितिका महासचिव, राष्ट्राध्यक्ष, केन्द्रीय सैन्य आयोगका अध्यक्ष सी चिन फिङलगायत पार्टी र सरकारका नेतागण सो सम्मेलनमा उपस्थित हुनुभएको छ।
चीनका उप-प्रधानमन्त्री हान चङले चिनियाँ कम्युनिष्ट केन्द्रीय समिति र राज्य परिषदको तर्फबाट सम्बोधन गर्नुभयो। उहाँले विगत पाँच वर्षयता राष्ट्रिय विकासको नयाँ प्रकृयाका साथ चीनको अपाङ्ग कार्यको ऐतिहासिक प्रगति र स्पष्ट उपलब्धि हासिल भएको बताउँदै अपाङ्ग व्यक्तिले पाउने अनुभव र सहज जीवनको अनुभव पनि बढ्दैआएको जानकारी दिनुभयो।
हान चङले समाजवादी आधुनिक देशको निर्माण गर्नुका साथ अपाङ्ग कार्यको आधुनिकिकरण पनि निर्माण गर्नुपर्ने भन्दै अपाङ्ग कार्यको नीति र नियम प्रणालीको सुधार गर्ने, अपाङ्गको सामाजिक संरक्षण प्रणाली र सेवा प्रणालीको निर्माण गर्ने, पहुँच वातावरण निर्माण गर्ने रहेको बताउनुभयो। उहाँले अपाङ्गको कौशल स्तर, सम्मान हितलाई बढाएर उनीहरुलाई सामाजिक तथा आर्थिक विकासको उपलब्धिमा हिस्सेदार बनाउने औँल्याउनुभयो।
