चीनका राष्ट्राध्यक्ष सी चिन फिङले आज नोभेम्बर 21 तारिख मनिलामा फिलिपिन्सको प्रतिनिधि सभाका सभामुख ग्लोरिया माकापागाल अरोयो र फिलिपिन्सको सिनेटका सभामुख भिसेन्टे सोटो तीनसँग भेटघाट गर्नुभएको छ।
राष्ट्राध्यक्ष सीले अरोयो र सोटो चिनियाँ जनताका पुरानो साथी हुनुहुन्छ भन्दै दुबै जनाले लामो समयदेखि चीन र फिलिपिन्सको मित्रताका लागि गर्नुभएको प्रयासको प्रशंसा गर्नुभयो। उहाँले विधायिकाहरूको मैत्रीपूर्ण आदान-प्रदान चीन र फिलिपिन्सको सम्बन्धको महत्वपूर्ण भाग हो भन्ने कुरा व्यक्त गर्नुका साथै फिलिपिन्सको प्रतिनिधि सभा र सिनेटले चीन र फिलिपिन्सको मित्रतालाई बढाउनका लागि ठूलो भूमिका निर्वाह गर्नसक्ने आशा लिएको कुरा बताउनुभयो।
अरोयो र सोटोले राष्ट्राध्यक्ष सीलाई फिलिपिन्समा स्वागत गर्दै चीनले फिलिपिन्सको विकासमा गरेको सहयोगका लागि कृतज्ञाता ज्ञापन व्यक्त गर्नुभयो। चीनसँग आर्थिक तथा सामाजिक विकासको सफल अनुभव सिक्ने आशा फिलिपिन्सले लिएको कुरा उहाँले बताउनुभयो।
