चीनका राष्ट्राध्यक्ष सी चिन फिङले फ्रान्सको राजकीय भ्रमण गर्ने क्रममा चीन-फ्रान्स विश्व सुशासन मञ्च मार्च 25 तारिख पेरिसमा शुरु भएको छ।
उक्त मञ्च चीनको राज्य परिषदको प्रेस कार्यालय र फ्रान्सको विदेश मन्त्रालयद्वारा संयुक्त रुपमा आयोजना गरिएको हो। चीन र फ्रान्सका सरकारी विभागका उच्च अधिकारी, विशेषज्ञ तथा विद्वान, प्रसिद्ध उद्योग-व्यवसायीका उच्च अधिकारी, संयुक्त राष्ट्र संघ, युरोपेली संघआदि अन्तर्राष्ट्रिय संगठनका प्रतिनिधिलगायतका दुई सय जना व्यक्तिले "बेल्ट एण्ड रोड र अन्तर्क्रिया", "बहुपक्षीयतावाद र विश्व सुशासन", "डिजिटल सुशासनको चुनौति र अवसर", "जलवायु परिवर्तन र जैविक विविधता"आदि विषयहरूबारे छलफल गरिरहेका छन्।
चीनको राज्य परिषदका सदस्य एवं परराष्ट्र मन्त्री वाङ यी, फ्रान्सका विदेश मन्त्री जेन यभेस ले ड्रिनले उक्त मञ्चको उदघाटन समारोहलाई सम्बोधन गर्नुभएको छ।
