दोस्रो "बेल्ट एण्ड रोड" अन्तर्राष्ट्रिय सहकार्य शिखर मञ्चको आयोजना हुनलागेको छ। नेपालका राष्ट्रपति विद्यादेवी भण्डारीले यस पटकको मञ्चमा भाग लिनुहुने छ। अप्रिल अठार तारिख भण्डारीले राष्ट्रपति भवनमा चिनियाँ सञ्चार-माध्यमको संयुक्त अन्तर्वार्ता दिनुभएको छ। उहाँले "बेल्ट एण्ड रोड" प्रस्तावको उच्च मूल्यांकन गर्नुभएको छ।
भण्डारीले नेपाल र चीन छिमेकी मुलुक हुन्, दुई पक्षले पारस्परिक हितको सिद्धान्त बमोजिम विभिन्न क्षेत्रको सहयोगलाई सबल पारेको, नेपालले चीनद्वारा प्रस्तुत गरिएको "बेल्ट एण्ड रोड" प्रस्तावको प्रशंसा गरेको र समर्थन दिएको कुरा बताउनुभयो।
भण्डारीले नेपाल "बेल्ट एण्ड रोड" प्रस्तावको संलग्न पक्ष बनिसकेको, "बेल्ट एण्ड रोड" प्रस्तावमा चीनसँग विभिन्न क्षेत्रको सहयोगलाई सबल पार्ने आशा नेपालले लिएको कुरामा जोड दिनुभयो।