आज मे तेईस तारिख शाङहाइ अन्तर्राष्ट्रिय चलचित्र र टेलिभिजन महोत्सव २०१९ ले पैचिङमा यस पटकको महोत्सव जुन दश तारिखदेखि चौब्बीस तारिखसम्म शाङहाइमा आयोजना हुने जनाएको छ।
लगभग चार हजारवटा चलचित्रहरु शाङहाइ अन्तर्राष्ट्रिय चलचित्र महोत्सवमा सहभागी हुनेछन्। शाङहाइ प्रचार-प्रसार विभागका उप प्रमुख हु चिन च्युङले यस पटकको महोत्सवमा पाँचवटा एसियाली मुलुकका विशेष फिल्म प्रदर्शनी हुने जानकारी दिनुभयो।
शाङहाइ अन्तर्राष्ट्रिय चलचित्र र टेलिभिजन महोत्सवका अवसरमा चलचित्रको सुनौलो गोबेल्ट पुरस्कार र टेलिभिजनको म्याग्नोलिया पुरस्कारको घोषणा हुनेछ।