चीनको रक्षा मन्त्रालयले आयोजना गरेको पहिलो चीन-अफ्रिका शान्ति सुरक्षा मञ्च आज जुलाई पन्ध्र तारिख पैचिङमा शुरु भएको छ। पचास अफ्रिकी मुलुक र अफ्रिकी लिगको रक्षा विभागका सैयौँ उच्चस्तरीय प्रतिनिधिहरु र चिनियाँ सेनाका प्रतिनिधिहरुले मञ्चमा भाग लिएका छन्। यी मध्ये पन्ध्र जना अफ्रिकी मुलुकका रक्षामन्त्री र सेनाका प्रमुख चिफ अफ स्टाफ पनि सहभागी छन्।
यस पटकको मञ्चमा'हातमा हात मिलाएर संयुक्त रुपमा सुरक्षा स्थापना'शीर्षक रहेको छ। चीनका राष्ट्राध्यक्ष सी चिन फिङले गत वर्ष चीन-अफ्रिका सहयोगात्मक मञ्च पैचिङ शिखर सम्मेलनमा प्रस्तुत गर्नुभएको 'संयुक्त रुपमा सुरक्षित चीन अफ्रिका भाग्य एकरुपताको स्थापना गर्ने'प्रस्तावको बारेमा विभिन्न पक्षका प्रतिनिधिहरुले'नयाँ युगमा चीन अफ्रिका सम्बन्ध र चीन अफ्रिका शान्ति सुरक्षा सहयोग'तथा 'क्षेत्रीय समुद्रि सुरक्षित परिस्थिति र सेनाले शान्ति सुरक्षा क्षेत्रमा निर्वाह गरेको भूमिका'आदि विषयमा गहिरो रुपमा छलफल गर्ने छन्।
पहिलो चीन-अफ्रिका शान्ति सुरक्षा मञ्च जुलाई बीस तारिख सम्पन्न हुने छ। मञ्चको अवधिमा अफ्रिकी प्रतिनिधिहरुले चिनियाँ स्थल सेना, नौ सेना, वायु सेनाको अवलोकन गरेर शाङ्गहाईको पनि भ्रमण गर्ने छन्।
