चीनको राष्ट्रिय स्वास्थ्य आयोगका अनुसार, मार्च ८ तारिख मध्यराति देखि ९ तारिख मध्य रातिसम्म चीनको मुख्य भूमिमा थप १९ जना कोभिड-१९ लागेको निश्चित भएको छ। संक्रमितमध्ये सो समयमा थप १७ जनाको मृत्यु भएको छ। साथै थप ३६ जनामाथि संक्रमण भएको आशंका गरिएको छ। सो समयमा थप १२९७ निको भएका छन्।
मार्च ९ तारिखसम्म चीनको मुख्य भूमिमा ८० हजार ७ सय ५४ जनालाई कोभिड-१९ लागेको निश्चित भएको छ भने हाल ३४९ जनामाथि संक्रमण भएको आशंका गरिएको छ। निको भएको संखया जम्मा गरी ५९ हजार ८ सय ९७ पुगेको छ भने मृत्यु भएको संख्या जम्मा गरी ३ हजार १ सय ३६ पुगेको छ। चिकित्सा अवलोकनमा रहेको घनिष्ट सम्पर्क भएको संख्या १६ हजार ९ सय ८२ पुगेको छ। सोही अवधिमा थप २ जना विदेशबाट आएका व्यक्तिमा कोभिड १९ संक्रमण भएको निश्चित भएको छ भने ९ तारिख मध्य रातिसम्ममा विदेशबाट आएका निश्चित संक्रमितहरुको संख्या ६९ पुगेको छ।
यसबाहेक ९ तारिखसम्म हडकड विशेष प्रशासनिक क्षेत्रमा ११५ जना, मकाउ विशेष प्रशासन क्षेत्रमा १० जना र थाइवान क्षेत्रमा ४५ जनामा संक्रमण भएर १७० जना निश्चित संक्रमित रहेको प्रतिवेदनमा उल्लेख छ।