चीनको राष्ट्रिय स्वास्थ्य आयोगका अनुसार, मार्च १३ तारिख मध्यराति देखि १४ तारिख मध्य रातिसम्म चीनको मुख्य भूमिमा थप २० जनलाई कोभिड-१९ संक्रमण भएको छ। संक्रमितमध्ये सो समयमा थप १० जनाको मृत्यु भएको छ। साथै थप ३९ जनामाथि संक्रमण भएको आशंका गरिएको छ। सो समयमा थप १३७० निको भएका छन्।
मार्च १४ तारिखसम्म चीनको मुख्य भूमिमा ८० हजार ८ सय ४४ जनालाई कोभिड-१९ लागेको निश्चित भएको छ भने हालसम्म ११३ जनामाथि संक्रमण भएको आशंका गरिएको छ। निको भएको संख्या ६६ हजार ९ सय ११ पुगेको छ भने मृत्यु भएको संख्या ३ हजार १ सय ९९ पुगेको छ। चिकित्सा अवलोकनमा रहेको घनिष्ट सम्पर्क भएका व्यक्तिको संख्या १० हजार १ सय ८९ पुगेको छ। सोही अवधिमा थप १६ जना विदेशबाट आएका व्यक्तिमा कोभिड १९ संक्रमण भएको निश्चित भएको छ भने १४ तारिख मध्य रातिसम्ममा विदेशबाट आएका निश्चित संक्रमितहरुको संख्या १११ पुगेको छ।
यसबाहेक १४ तारिखसम्म हडकड विशेष प्रशासनिक क्षेत्रमा १४१ जना, मकाउ विशेष प्रशासन क्षेत्रमा १० जना र थाइवान क्षेत्रमा ५३ जनामा संक्रमण भएर २०४ जना निश्चित संक्रमित रहेको उल्लेख छ।
