लगभग सय जना अमेरिकी रणनीतिक व्यक्तिहरूले हालै संयुक्त वक्तव्य प्रकाशित गरी अमेरिका र चीनसँग महामारीको रोकथाम सहयोग गर्न आव्हान गरेका छन्। यसबारे पत्रकारद्वारा सोधिएको प्रश्नको जवाफ दिँदै चीनको परराष्ट्र मन्त्रालयका प्रवक्ता चाउ ली चेनले अप्रिल ८ तारिख अमेरिकी रणनीतिक व्यक्तिहरूले चीन र अमेरिकाले मिलेर कोरोना भाइरसको प्रतिरोध गर्ने आशा लिएका र यो महामारी फैलिनबाट रोक्नका लागि महत्वपूर्ण भएको ठहर उनीहरूले लिएकामा चीनले यसको प्रशंसा र स्वागत गरेको बताउनुभयो।
चाउले अन्तर्राष्ट्रिय समाजले सहयोग गरे मात्र महामारीलाई पराजित गर्नसकिने भन्दै चीनले "मानव भाग्य समुदाय"को धारणाबमोजिम अमेरिकालगायत विभिन्न मुलुकसँग महामारीको प्रतिरोधको सहयोग गर्ने र विश्वको सार्वजनिक स्वास्थ्य सुरक्षाको संयुक्त रुपमा संरक्षण गर्ने औँल्याउनुभयो।
अमेरिकाले चीनसँग मिलेर दुई मुलुकका राष्ट्रनायकहरुबीच प्राप्त महत्वपूर्ण सहमतिबमोजिम महामारीको प्रतिरोध क्षेत्रको सहयोगलाई बढाउने आशा चीनले लिएको कुरामा उहाँले जोड दिनुभयो।
