नेपालमा कोरोनाबाट निको हुनेको संख्या १ लाख नाघ्यो

नेपालमा कोरोना भाइरसको संक्रमणबाट मुक्तहुनेको संख्या एक लाख नाघेको छ। बिहिबार ३ हजार २ सय १५ जना डिस्चार्ज भएसँगै निको हुनेको संख्या १ लाख २ हजार ८ सय २० पुगेको न्युज पोलार अनलाइनले लेखेको छ।

स्वास्थ्य तथा जनसंख्या मन्त्रालयका प्रवक्ता डा‍. जागेश्वर गौतमका अनुसार हालसम्म संक्रमित हुनेको संख्या १ लाख ४८ हजार ५०९ पुगेको छ। आजसम्म सक्रिय संक्रमितको संख्या ४४ हजार ८ सय ७७ पुगेको छ।