फन्ट डाउनलोड
सि.आर.आइको संक्षिप्त परिचयनेपाली सेवाको संक्षिप्त परिचयसम्पर्कका लागि

नेपालको विकासमा चीनको ओबिओआर कार्यक्रम कोसेढुङ्गा हुने चिनियाँ विज्ञको भनाइ

(GMT+08:00) 2017-03-03 18:04:33

नेपाल भ्रमणमा रहेको चीनको 41 सदस्य ओबिओआर (वान बेल्ट वान रोड) टोलीकी नेतृ सु याले चीनले अघि सारेको सिल्क रोड परियोजनाबाट नेपालले बहुमुखी लाभ लिने बताउनु भएको छ। 'सीआइसी म्युचअल ओबीओआर अन्तर्राष्ट्रिय प्लेटफर्मकी संस्थापकसमेत रहनु भएकी सुले चीनले अघि सारेको यस परियोजनाबाट नेपालजस्तो विकासशील र भूपरिवेष्ठित देशका लागि कोसेढुङ्गा बन्न सक्ने बताउनु भएको नेपाल खबर अनलाइनले लेखेको छ।

चिनियाँ नेता सुले इन्जिनरिङ प्रोक्युरमेन्ट एन्ड कन्ट्रक्सन म्यानेजमेन्ट(इपीसी)अर्थात् विकास निर्माणका लागि चीनले इन्जिनरिङ क्षेत्रमा हासिल गरेको प्रविधि नेपालमा भित्राउन सकिने जानकारी दिनुभयो। 'चीनले नेपालमा इनर्जी (उर्जा)को क्षेत्रमा काम गर्न सबैभन्दा बढी इच्छा देखाएको छ। सोलार पावर, हावाबाट निस्कने बिजुली नेपालको लागि उपुयुक्त हुनसक्छ', उहाँले भन्नुभयो, 'उर्जाकै क्षेत्रमा कुरा गर्दा त चीनले नेपालको हाइड्रोपावर क्षेत्रमा लगानी गर्न चाहेको छ।'

ओबीओआरको बहुपक्षीय क्षेत्रमा सहकार्य गर्ने परियोजना भएको बताउँदै उहाँले भन्नुभयो, 'नेपाल–चीन जोड्ने ट्रान्समिसन लाइनदेखि गुणस्तरीय इन्टरनेट सेवा र उर्जा सहकार्यभित्रकै एक पाटो हो।' उर्जापछि चीनले पर्यटन विकासको क्षेत्रमा लगानी गर्न चाहेको छ। तारे होटलको निर्माणदेखि चीनमा नेपाल भ्रमणको लागि अभियान संचालन गर्नेजस्ता कार्यहरु गर्न सकिने सुले जउनुभयो।

सीआइसी म्युचअल ओबीओआर अन्तर्राष्ट्रिय ट्रेड प्लेटफर्मकी उपनिर्देशक छन लीले उत्पादनमूलक उद्योगमा पनि चिनियाँ व्यापारीले लगानी गर्न चाहेको उल्लेख गर्नुभयो। 'हामी चीनले उत्मादनमूलक क्षेत्रमा कसरी उद्योगहरु संचालन गरेको छ भन्ने कुरा देखाउन नेपाली उद्योग–व्यवसायीहरुलाई चीन भ्रमण गराउने योजना छ', उहाँले भन्नुभयो।

ओबीओआरको सम्झौतापत्रमा हस्ताक्षर गरेका मुलुकहरुमा चीनले प्रविधिसमेत हस्तान्तरण गर्ने नीति भएको लीले सुनाउनुभयो। चिनियाँ लगानी र प्रविधि नेपाल भित्राएर लाखौं युवाहरुलाई रोजगार सिर्जना हुने, राजस्व र रेमिटेन्समा वृद्धि हुने ओबीओआरको संयुक्त अनुसन्धान इकाई सेन्टरकी कार्यकारी निर्देशकसमेत रहेकी सुले उल्लेख गर्नुभयो।

सु सीआइसी म्युचअल ट्रेड इनभेष्टमेन्टकी अध्यक्ष पनि हुनुहुन्छ। उहाँले नेपालमा बजारको विकास गर्ने बारेमा चिनियाँ लगानीकर्ता इच्छुक रहेको खुलाउनुभयो। 'खासगरी पुर्ननिर्माणको क्षेत्रमा हार्डवयर मार्केटजस्ता विकास गर्न हाम्रो इच्छा छ', उहाँले थप्नुभयो।

चीन सरकारका प्रतिनिधिदेखि उद्योगी र व्यापारीसमेत रहेको ओबीओआरको टोलीले गत आइतबार बिहान प्रधानमन्त्री पुष्पकमल दाहाल प्रचण्डलाई भेटी बेलुकी लुम्बिनी प्रस्थान गरेको थियो। टोलीले चितवन, पोखराको समेत भ्रमण गरी पर्यटन प्रवद्र्धनका लागि चीनमा प्रचार गर्ने जनाएको छ।

सो टोलीले उर्जामन्त्री जर्नादन शर्मा, उद्योग मन्त्री नवीन्द्रराज जोशी, भूमि सुधार तथा व्यवस्था मन्त्री विक्रम पाण्डे र उद्योग व्यवसायीसँग भेटी चीनको ओबीओआर परियोजनाका बारेमा छलफल गरेको थियो।

ओबीओआर नेपाल शाखाका अध्यक्ष भाष्करराज कर्णिकारले भ्रमणपछि ओबीओआरको टोली नेपालमा लगानी गर्न निकै उत्साही भएको जनाउनुभयो। 'नेपाल लगानी गर्ने एउटा गन्तब्य भएको उनीहरुले महसुस गरेका छन्, उहाँले भन्नुभयो।

चिनियाँ राष्ट्रपति सी जिनपिङले सन् 2013 को सेप्टेम्बरमा प्रस्ताव गरेको वान बेल्ट वान रोड(एक पाटो, एक बाटो)–ओबीओआरको 40 भन्दा बढी देशहरुमा शाखा कार्यलय खुलिसकेको छ। 65 भन्दा बढी देशहरुले यस परियोजनामा भाग लिने प्रतिबद्धता जनाइसकेका छन्। 44 वटा देशले सम्झौता पत्रमा हस्तक्षेर गरेर सामेल भइसकेका छन्।

नेपालले ओबीओआरमा भाग लिन प्रतिबद्धता जाहेर गरेपनि सम्झौतापत्र (एमओयू)मा हस्ताक्षर हुन भने बाँकी छ। परराष्ट्र मन्त्रालयले ओबीओआरको एमओयूमा हस्ताक्षेर गर्ने तयारी गरी चीनलाई फागुनको पहिलो साता पत्रचार गरिसकेको छ।

चीनले ओबीओआरका लागि 1 सय 60 विलियन डलर(1 सय 60 खर्ब) खर्च गर्ने उल्लेख गरेको छ। एसियाली विकास बैंक(एआइआइबी)मा 40 विलियन डलर रकम ओबीओआरका लागि विनियोजन गरिएको छ। नेपालसिहतका 14 चीनका छिमेकी देशले मात्र होइन, अफ्रिका, युरोप र ल्याटिन अमेरिकी देशहरु समेत लाभान्वित हुने छन्।

एमओयूमा सम्झौता भएपनि सो चीनले नेपालको पूर्वाधार (रेल, सडक, ट्रान्समिसन लाइन) क्षेत्रमा लगानी गर्ने बाटो खुल्नेछ।

चीन अहिले विश्वका 1 सय 28 भन्दा बढी देशको सबैभन्दा ठूलो व्यापार साझेदार हो। ओबीओआरको मुख्य लक्ष्य यी र अन्य थपसँग सहज कनेक्टिभिटीको मार्ग खडा गर्नु हो। विशाल समुद्री तट र भित्री भूमि दुवै रहेको चीनले आफ्नो दुवै भौगोलिक पक्षलाई अनुकूलताका रूपमा ओबीओआरमार्फत् विकास गर्दैछ। ओबीओआरका दुई मुख्य मार्ग छन्। उत्तरी सिल्क रुट उत्तर—पश्चिम चीनको सियानबाट सुरु भएर मध्यएसिया, मध्यपूर्व हुँदै युरोपसम्म जमिन मार्गबाट पुग्छ। समुद्री सिल्क रुट चीनका पूर्वी र दक्षिणपूर्वी तटिय सहरबाट सुरु भएर हिन्द महासागर हुँदै मध्यपूर्व, पश्चिम अफ्रिका र भूमध्यसागर हुँदै युरोपसम्म पुग्छ।

नेपाल चीनले अघि सारेको सिल्क रोडको मुख्य मार्गमा नपरेपनि ट्रान्स 'हिमालयन कोरिडर' अन्तरगत ओबोओआरको एक हिस्सा भने हो।

चीनले नेपाल प्राथमिकतामा पर्नेगरी यो वर्ष ट्रान्स हिमालयन सहकार्यको नयाँ मोडल पनि उठाइरहेको छ, जसमा भारतसमेत रहनेगरी प्रस्ताव गरिए पनि बीसीआईएम (बंगलादेश, चीन, भारत, माल्दिभस)भन्दा केही लचक र भारतलाई बढी उपयोगी हुनसक्ने प्रकृतिको छ। त्यसो भए नेपाललाई बीचमा पारेर उत्तरी मार्गबाट आसियानले समेटेका पूर्वी एसिया, उत्तरी सिल्क रुटसँग जोडिएर मध्य एसिया, पाकिस्तान र अफगानिस्तानसम्म नेपालले सहज व्यापार गर्न सक्छ। सम्भाव्यता अध्ययन हुन बाँकी रहे पनि विज्ञहरूले 4 वटा मल्टिमोडल ट्रान्स हिमालयन कोरिडोर प्रस्ताव गरेका हुन्। यसले भारतका लागिसमेत पश्चिम एवं मध्यचीन र पूर्वी एसियामा व्यापार गर्न सहज मार्ग बनाउनेछ।

जानकारी तथा लेखहरु