आयातीत वस्तुप्रति चिनियाँ उपभोक्ताको बढ्दो माग

वास्तवमा हाल केही वर्षयता चीनले विदेशतर्फ आयात बढाउने भन्दै आएको छ। धेरै वस्तुको भन्सार कर लगातार घट्दै गएको छ। चीनको वाणिज्य मन्त्रालयको सम्बन्धित् तथ्याङ्कअनुसार चालू वर्षको जनवरीसम्म चीनले आठ हजारभन्दा बढी आयातीत वस्तुका लागि शून्य कर जस्तै सहुलियत नियम लागू गरेको छ। यसप्रति चीनको वाणिज्य मन्त्रालयको अन्तर्राष्ट्रिय व्यापार तथा आर्थिक सहयोग अनुसन्धान प्रतिष्ठानको क्षेत्रीय सहयोग अनुसन्धान केन्द्रका प्रमुख चाङ्ग च्यान फिङले आयातको विस्तारबाट नागरिकको मागलाई बढाउने मात्र नभइ अर्थतन्त्रको वृद्धिलाई पनि प्रबर्द्धन गर्ने बताउनुभएको छ। उहाँले भन्नुभयो：चीन मध्य आय मुलुक बन्दै गएको छ साथमा हाम्रो नागरिकको उपभोक्ता वस्तुप्रतिको माग लगातार बढ्दै गएको छ। आयातको विस्तारले उपभोक्ताको वास्तविक मागलाई बढाउनुका साथै अर्थतन्त्रको वृद्धिका लागि पनि सकारात्मक प्रबर्द्धन शक्ति सिर्जना गर्ने छ।