हौ ग्वेन् बाजाको अर्को नाउँ "जु ग्वेन्" हो। त्यो चिनियाँ स्थानीय बाजा पाइप बाजाका आधारमा सिर्जना गरिएको एक किसिमको फुकेर सासले बजाइने बाजा हो। हौ ग्वेन् बाजा शुरुमा क्वांग तोंग प्रान्तमा सडकमा माल बेच्ने स-साना व्यापारीहरुको वादनको साधन थियो। बीसौं शताव्दीको बीसको दशकको अन्त्यतिर मात्र क्वांग तोंग संगीत वा क्वांग तोंग युए ओपेरामा त्यसको उपयोग गर्न थालियो। त्यसपछि त्यो बाजा क्वांग तोंग र क्वांग सि क्षेत्रमा फैलिएको थियो।

          हौ ग्वेन् बाजाको बनौट निकै सरल छ। त्यो सिटी, पाइप र तुरहीको मुखबाट गठित छ। त्यसको सीटी लु वै नामक एक किसिमको पानी-झारबाट बनाइएको छ जसको पाइप बाँस वा विभिन्न किसिमका काठ वा प्लाष्टिक र धातुबाट बनाइएको हुन्छ। तीमध्ये बाँसबाट बनाइएका बाजाको स्वर सबैभन्दा मधुर भएको पाइएको छ। हौ ग्वेन् बाजाको पाइपमा पनि सातवटा प्वाल हुन्छन् र पाइपको मुनि पातलो तामाको फल्याकबाट बनाइएको तुरहीको मुख हुन्छ। त्यसले स्वरलाई ठूलो पार्ने र सजावटको भूमिका निर्वाह गर्दछ।

          हौ ग्वेन् बाजाको स्वर पाइप बाजाको जस्तै छ। विशेषत: त्यसको स्वर पाइप बाजाको तल्लो स्वरसित नजिक छ जसको स्वर गम्भीर र परिपक्व अनि मन्द छ। त्यो स्वर अलिकति नाके स्वर जस्तै छ। जातीय आर्केस्ट्रामा त्यसको उपयोग सधैं नै चोंग हु बाजा र ति हु बाजाका साथमा गरिन्छ जसबाट आर्केस्ट्राका मध्यम स्वरको भाग र तल्लो स्वरको भागलाई सबल पारिन्छ।

　　चीनको जातीय संगीत आर्केस्ट्रामा सबैभन्दा बढी उपयोग हुने हौ ग्वेन् बाजा जि स्वरको मध्यम स्वर भएको हौ ग्वेन् बाजा र डि स्वरको तल्लो स्वर भएको हौ ग्वेन् बाजा हुन। जि स्वरको मध्यम स्वरको हौ ग्वेन् बाजाको लम्बाइ त्रिपन्न सेन्टिमिटर र व्यास एकदेखि एक दशम्लब तीन सेन्टिमिटरसम्म हुन्छ। त्यसको रेन्ज यौटा स्तरको मात्रै हुन्छ। यसको तुलनामा डि स्वरको तल्लो स्वरे हौ ग्वेन् बाजाको लम्बाइ तुलनात्मक रुपमा बढी हुन्छ। त्यसको लम्बाइ पचासी सेन्टिमिटर हुन्छ र भित्री व्यास एक दशम्लब चारदेखि एक दशम्लब सात सेन्टिमिटरसम्म हुन्छ। डि स्वरको हौ ग्वेन् बाजाको रेन्ज अलि कम हुन्छ। बीसौं शताव्दीको साठीको दशकमा चिनियाँ बाजा-निर्माताहरुले नयाँ खालको हौ ग्वेन् बाजाको अनुसन्धान गरी उत्पादन गरिसकेका थिए। त्यस हौ ग्वेन् बाजाको मुख्य भागमा अठार वा उन्नाइसवटा प्वाल हुन्छन जसबाट त्यसको स्वरको रेन्ज दुइवटा स्तरमा विस्तृत भएको छ। अनि त्यसलाई एक्लै पनि बजाउन सकिन्छ। यसका अतिरिक्त, स्वरको सेटतर्फ पनि त्यो मध्यम स्वर, उप-मध्यम स्वर, तल्लो स्वर र न्यूनतम स्वरका रुपमा विकसित भएको छ जसले गर्दा त्यसको स्वर झन-झन समृद्ध र पूर्ण भएको छ।

             संगीत：《बसन्ते हावा र हांस्ने पानी》