श्री थाङ च्युन छ्याउ चीनका युवा बाँसुरी-वादक हुनुहुन्छ। उहाँ अहिले शांगहाई जातीय सङ्गीत टोलीका प्रथम बाँसुरी वादक हुनुहुन्छ। श्री थाङ च्युन छ्याउले वालककालदेखि नै आफ्ना पिताबाट बाँसुरी-वादन कला सिक्नुभयो। किशोरावस्थादेखि उहाँले धेरै पटक युवा वाद्य-वादन प्रतियोगितामा पुरस्कार प्राप्त गर्नुभयो। सन् 1986 मा उहाँले शन यांग सङ्गीत अध्ययन संस्थान अन्तर्गत माध्यमिक विद्यालयमा प्रवेश गर्नुभयो। सन् 1990 मा सोह्र वर्षको उमेरमा उहाँले पहिलो पटक आफ्नो सङ्गीत समारोहको आयोजना गर्नुभयो। त्यसपछि उहाँले शांगहाई सङ्गीत अध्ययन संस्थानमा प्रवेश गर्नुभयो। सन् 1996 मा उत्कृष्ठ उपलव्धिमार्फत स्नातक भएपछि उहाँले शांगहाई जातीय सङ्गीत टोलीमा प्रवेश गर्नुभयो।

         श्री थाङ च्युन छ्याउ वादन-कलामा निकै सिपालु हुनुहुन्छ। उहाँले अतिथिको रुपमा बारम्बार विभिन्न प्रकारका ठूला ढाँचाका सङ्गीत समारोह, टेलिभिजनद्वारा आयोजित कला कार्यक्रमहरुमा भाग लिनुभएको छ। तीमध्ये " हंगकंग च्यारिटी सङ्गीत समारोह", " शांहाई थिएटर सन् 2000 नव वर्ष सङ्गीत समारोह", " सन् 1999 वसन्त सङ्गीत समारोह", " हंगकंग विशेष प्रशासनिक क्षेत्रको स्थापना भएको चौथो वार्षिकोत्सव सङ्गीत समारोह", "सन् 2001 मा शांगहाईको वसन्त सङ्गीत समारोह" समावेश छन।

         प्रसिद्ध सिनेमा निर्देशक ली आनको निर्देशनमा रहेको सिनेमा《हिडन ट्राकन》ले ओस्कार पुरस्कार लगायतका विश्वका अठारवटा पुरस्कार तथा ग्रेमी सङ्गीत पुरस्कार प्राप्त गरेको छ। श्री थाङ च्युन छ्याउले त्यस सिनेमामा बाँसुरी बजाउनु भएको छ। त्यसपछि उहाँले अन्तर्राष्ट्रिय सङ्गीत क्षेत्रको ध्यानाकर्षण गर्नुभयो। उहाँले आमन्त्रित भएर बेलायतको लण्डनमा रहेको "बापिकन कल्ला केन्द्र" मा विश्वका प्रसिद्ध एकल बेला-वादनमा यौ यौसँग मिलेर《हीडन ट्राकन》को सङ्गीत बनाउनुभएपछि ठूलो सफलता प्राप्त गर्नुभयो। यसका अतिरिक्त, उहाँले चीनका अन्य प्रसिद्ध सङ्गीतकारहरुसँगै उच्च मूल्यांकन प्राप्त गर्नुभयो।

        सन् 2001 को वसन्त चाडको अवधिमा, श्री थाङ च्युन छ्याउ शांगहाई जातीय सङ्गीत टोलीसँगै भियेनाको "स्वर्ण स‌गीत कक्ष"मा नयाँ वसन्त ऋतु सङ्गीत कार्यक्रमको आयोजना गर्नुभयो। सोही वर्ष उहाँले मकाउमा 《थाङ च्युन छ्याउ बाँसुरी सङ्गीत समारोह》को आयोजना गर्नुभयो। सङ्गीतकारको हैसियतले श्री थाङ च्युन छ्याउले आमन्त्रित भएर बारम्बार विश्वका धेरै सङ्गीत तथा कला कार्यक्रममा भाग लिनुभएको छ। जस्तै, ओसाका अन्तर्राष्ट्रिय कला महोत्सव, फ्रान्स युग सङ्गीत महोत्सव, पैचिंग अन्तर्राष्ट्रिय सङ्गीत समारोह, शांहाई अन्तर्राष्ट्रिय कला महोत्सव, मकाउ अन्तर्राष्ट्रिय सँगीत महोत्सव। उहाँको कुशल प्रदर्शनले विशेषज्ञ तथा दर्शकहरुको प्रशंसा हासिल गरेको छ। यसका अतिरिक्त, उहाँले शांहाईमा आयोजित एशिया-प्रशान्त आर्थिक सहयोग संगठनको सम्मेलनमा एक्काइस मुलुकका राष्ट्रानायकहरुका लागि 《खुसी सङ्गीत》बजाएर स्वदेश र विदेशका अतिथिहरुको सराहना प्राप्तगर्नुभएको छ।

        श्री थाङ च्युन छ्याउले सधैं धेरै प्रसिद्ध सङ्गीत-टोलीसँग मिलेर काम गर्नुभएको छ। जस्तै: लण्डन सिम्फोनी आर्केष्ट्रा, फ्रान्सेली राष्ट्रिय सिम्फोनी आर्केष्ट्रा, हंगकंग आर्केष्ट्रा टोली, चिनियाँ फिलार्मोनिक आर्केष्ट्रा, शांहाई सिम्फोनी आर्केष्ट्रा समावेश। यसका साथै उहाँले अमेरिका, जर्मनी, जापान, बेल्जियम, फ्रान्स, इटली, थाइवान, हंगकंग, मकाउ लगायतका धेरै मुलुक तथा क्षेत्रको भ्रमण गर्नुभएको छ। उहाँ वर्तमान चीनका सबैभन्दा वरिष्ठ युवा बाँसुरी-वादकहरुमध्येका एक हुनुहुन्छ।