यो चिनियाँ अन्तर्राष्ट्रिय रेडियोको नेपाली सेवा हो। श्रोताहरु, हाल चीनमा जम्मा 34 वटा प्रान्त स्तरीय प्रशासनिक क्षेत्र छन्। यसमा 23 वटा प्रान्त, 5 वटा स्वायत्त शासन प्रदेश, 4 वटा केन्द्र शासित शहर र 2 वटा विशेष प्रशासनिक क्षेत्र छन्।

      0यी 4 वटा केन्द्र शासित शहर यस प्रकार छन:

पैचिङ्ग 

         पैचिङ्ग जन गणतन्त्र चीनको राजधानी हो। छोटकरीमा यसलाई चिङ्क भनिन्छ। पैचिङ्ग चीनको व्हा पै मैदानको उत्तर-पश्चिमी भागमा पर्दछ। शुरुमा यसलाई च्येन भनिन्थ्यो। ईशा पूर्व 770—470 सम्मको अवधिलाई चीनको इतिहासमा वसन्त र शरद काल भनिन्थ्यो। इशा पूर्व 470 - 221 चीनको इतिहासमा साना-तिना राज्य बीच अनगिन्ती युद्धको युग हो। त्यस कालमा पै‍चिङ्गलाई येन तु राजधानी भनिन्थ्यो। त्यसपछि लिआ वंशकालमा पैचिङ्गलाई सहायक राजधानी अथवा येन चिन राजधानी भनिन्थ्यो। पैचिङ्ग चिन वंश, युआन वंश, मिन, छिन वंशकालमा र सन् 1911 मा स्थापित गणतन्त्र चीनको आरम्भमा पनि राजधानी बनेको थियो। पैचिङ्गलाई अघि पछि गरी चोन तु, ता तु , पै फिङ्ग र पैचिङ्ग जस्ता नाम राखिएका थिए। सन् 1928 देखि मात्र यसलाई पैचिङ्ग शहर भन्न थालियो।

पैचिङ्ग शहरलाई हाल जम्मा 16 वटा क्षेत्र र 2 वटा जिल्लामा विभाजित गरिएको छ। यो केन्द्र शासित शहर हो। पैचिङ्ग शहरको कुल क्षेत्रफल 16 हजार 8 सय वर्ग किलोमिटर छ। सन् 2002को जनगणनाअनुसार पैचिङ्गको जनसंख्या एक करोड तेह्र लाख त्रिसट्ठी हजार पुगेको छ। यो चीनको राजनीतिक केन्द्र, साँस्कृतिक, वैज्ञानिक, शैक्षिक र यातायात केन्द्र पनि हो। पैचिङ्ग देश र विदेशमा एकदमै प्रसिद्ब पर्यटकीय स्थल पनि हो। पैचिङ्गमा खास गरी लामो पर्खाल, पेरिस म्युजियम, आकाशको पूजा-आजा गर्ने मन्दिर, मिन वंशका 13 जना सम्राटका समाधि, ग्रीष्म प्रासाद र शिआन शान पार्क आदि ठाउँहरु समावेश छन्।



शाङ्गहाई शहर

       शाङ्गहाईलाई छोटकरीमा हू भनिन्छ। यो पूर्वी चीनको समुद्र तटवर्ति शहर हो । प्राचीन कालमा शाङ्गहाई एउटा समुद्र छेउमा रहेको मत्स्य गाउँ मात्र थियो। इशा पूर्व 770 - 470 को अवधिमा शाङ्गहाई वु राज्यको अधिनमा थियो। इशा पूर्व 475 - 221 को अवधिमा यो शहर छु राज्यका कुमार छुन शन च्युनको अधीनमा रहेको थियो। अनि शुन वंशमा त्यसलाई बस्तिको रुपमा शाङ्गहाईको नाम राख्न थालिएको थियो। सन् 1927 देखि शाङ्गहाईलाई शहरको रुपमा पुकार्नथालिएको थियो। शाङ्गहाई चीनका चारवटा केन्द्र शासित शहरहरुमध्येका एक हो। शाङ्गहाईलाई 18 वटा क्षेत्र र एउटा जिल्लामा विभिजित गरिएको छ। यसको क्षेत्रफल 5 हजार 8 सय वर्ग किलोमिटर छ। सन् 2002 को तथ्याङ्कअनुसार त्यहाँको जनसंख्या एक करोड तेत्तिस लाख सत्चालिस हजार छ। शाङ्गहाई चीनको सबैभन्दा ठूलो शहर हो र विश्वको ठूलो शहर पनि हो। शाङ्गहाई चीनको सबैभन्दा ठूलो औद्योगिक शहर, व्यापारिक केन्द्र, मौद्रिक केन्द्र र वैज्ञानिक-प्राविधिक आधार क्षेत्र पनि हो।

थिएन चिन

       थिएन चिन शहरलाई छोटकरीमा चिन भनिन्छ। यो शहर चीनको व्हा पै तराईको उत्तर-पूर्वी क्षेत्रमा पर्दछ। हाइ ह जस्ता पाँचवटा नदीका शाखाहरु यहीं ठाउँ भएर पो हाई समुद्रभित्र पस्दछन्। चिन र युआन वंशकालमा यसलाई ज कु भनिन्थ्यो। यसले त्यति बेला नहर यातायातमा महत्वपूर्ण भूमिका खेलेको थियो। त्यसपछि त्यहाँ हाइ चिन नामक बस्ति बसाइएको थियो। मिन वंशको शुरुवातदेखि यसलाई थिएन चिन वै भन्न थालियो। छिन वंशदेखि यसलाई थिएन चिन जिल्ला भन्न थालियो। सन् 1928 देखि मात्र यसलाई थिएन चिन शहर भन्न थालिएको हो। हाल यस शहर क्षेत्रभित्र 15 वटा क्षेत्र र 3 वटा कछाड जिल्ला छन्। यो पनि केन्द्र शासित शहर हो। यसको क्षेत्रफल 11 हजार वर्ग किलोमिटर भन्दा बढी छ। सन् 2000 को अन्त्यमा गरिएको जनगणनाअनुसार, यस शहरको जनसंख्या 91लाख 90 हजार 5 सय छ। थिएन चिन शहर उत्तरी चीनको सबैभन्दा ठूलो औद्योगिक शहर हो। यो उक्त क्षेत्रको औद्योगिक र प्राविधिक आधार पनि हो। त्यहाँ तेल, ग्यास र समुद्री नूनको निहित श्रोत निकै पर्याप्त छ। त्यहाँको औद्योगिक आधार बलियो छ। यो उत्तरी चीनको सबैभन्दा महत्वपूर्ण व्यापारिक केन्द्र र बन्दरगाह शहर पनि हो। थिएन चिनका पर्यटन स्थलमा निन पार्क, देवी दरबार, डागुखौ तोप मन्च, चिएन जिल्लाको तो ल मन्दिर, व्हान शिया गुआन नामक ठाउँमा परेको प्राचीनकालको लामो परखाल र पैचिङ्गदेखि पूर्वी क्षेत्रमा अवस्थित फान शान पर्वत आदि रमणीय दृश्यहरु छन्।

छोङ्ग छीङ्ग 

       छोङ्ग छीङ्ग शहरलाई छोटकरीमा यु भनिन्छ। छोङ्ग छीङ्ग शहर दक्षिण-पश्चिमी चीनको पूर्वी क्षेत्रमा छ। विश्वप्रशिद्ध नदी याङ्गसी नदीको माथिल्लो भागमा पर्दछ यो शहर। इशा पूर्व 770 - 221 सम्म यो ठाउँ पा राज्यको अधीनमा थियो। जापानी साम्राज्यवादीको चीनमाथिको आक्रमण कालमा यो कोमिनताङ्ग सरकारको दोस्रो राजधानी नै थियो। सन् 1997 मा पहिलेको श छुन प्रान्तको छोङ्ग छीङ्ग, वान जिल्ला र फु लिन यी तिनवटा स-साना नगर र छिएन च्यान क्षेत्रलाई जोडेर केन्द्र शासित शहरको रुपमा छोङ्ग छीङ्ग शहरको स्थापना भएको हो। त्यस शहरभित्र 15 वटा क्षेत्र, 4 वटा जिल्ला स्तरिय नगर, 17 वटा जिल्ला र 4 स्वशासन जिल्ला रहेका छन्। त्यसको क्षेत्रफल 82 हजार 3 सय वर्ग किलोमिटर छ। सन् 2002को जनगणनाअनुसार यस शहरको जनसंख्या 3 करोड 10 लाख 70 हजार छ। छोङ्ग छीङ्गमा विभिन्न किसिमका उद्योगहरु छन्। त्यहाँ याङ्गसी नदीको शान श्या, अर्थात् तीन घाँटी , पि पा पहाड र चिन युन पर्वत आदि नामी पर्यटन स्थलहरु छन्।