CRI
चीन संसारमा सबैभन्दा बढी
जनसंख्या भएको मुकुक हो। सन्
2002 को अन्तसम्म चीनको कुल
जनसंख्या 1 अरब 28 करोड
45 लाख 30 हजार छ। (यसमा
हङ्गकङ्ग विशेष प्रशासनिक
क्षेत्र, मकाउ विशेष प्रशासनिक
क्षेत्र र थाइवान प्रान्तलाई
समावेश गरिएको छैन)। चीनको
जनसंख्याले विश्वको कुल
जनसंख्याको पाँच खण्डको एक खण्ड
ठाउँ ओगटेको छ। चीन विश्वमा
जन-घनत्व अपेक्षाकृत बढी भएका
मुलुकहरुमध्येको एक पनि हो। (
यसको सरदर जन-घनत्व लगभग 135 जना
प्रतिवर्गकिलोमीटर रहेको छ)।
चीनको जनसंख्याको विभाजन
सन्तुलित छैन। मुलुकको पूर्वी
भागमा बढी मानिसको बसोबास छ भने
पश्चिमतर्फ कम छ। पूर्वी समुद्री
तटवर्ती क्षेत्रमा जन-घनत्व निकै
बढी छ, त्यहाँको जनसंख्या
प्रतिवर्गकिलोमीटर 400 भन्दा बढी
छ। त्यसको मध्य भागमा
प्रतिवर्गकिलोमीटर क्षेत्रमा
200 भन्दा बढी मानिसको बसोबास छ
र पश्चिमी भागको टारभूमि
क्षेत्रमा जनसंख्याको वितरण दर
एकदम कम छ, त्यहाँको जनसंख्या
प्रतिगर्गकिलोमीटर 10 जना पनि
छैन। हाल चिनियाँ नागरिकहरुको
औषत आयु बढेर 71.40 वर्ष पुगेको
छ (तीमध्ये पुरुषको औषत आयु
69.63 र महिलावर्गको औषत आयु
73.33 वर्ष रहेको छ), जुन
विश्वको औषत आयुको स्तरभन्दा 5
वर्ष बढी हो । यो औषत आयु
विकासोन्मुख मुलुक र
क्षेत्रहरुको तुलनामा 7 वर्ष बढी
छ भने विकसित मुलुक र क्षेत्रहरु
सित दाँजी हेर्दा करिब 5 वर्ष
कम रहेको देखिन्छ।
सन् 2002 मा चीनको जनसंख्याको
प्राकृतिक वृद्धि दर घट्दैजाने
क्रम जारी नै छ। त्यस सालको
अन्तसम्ममा चीनको मुख्य भूमिको
जनसंख्या 1 अरब 28 करोड 45 लाख
30 हजार छ। तीमध्ये शहरहरुको
जनसंख्या 50 करोड 21 लाख 20
हजार छ, जसले 39.1 प्रतिशत ठाउँ
लिएको छ भने ग्रामीण क्षेत्रको
जनसंख्या 78 करोड 24 लाख 10
हजार छ, जसले सम्पूर्ण
जनसंख्याको 60.9 प्रतिशत ठाउँ
ओगटेको छ। समस्त चीनमा
पुरुषहरुको संख्या 66
करोड 11 लाख 50 हजार छ भने
महिलाहरुको संख्या 62 करोड 33
लाख 80 हजार छ। चीनमा 0-14
वर्षसम्मको जनसंख्याले 22.4
प्रतिशत, 15-64 वर्षसम्मको
जनसंख्याले 70.3 प्रतिशत, 65
वर्ष र त्यसभन्दा बढी उमेरका
बूढाबूढीहरुको जनसंख्याले 7.3
प्रतिशत ठाउँ लिएको छ। चीनमा
बूढाबूढीहरुको संख्या 9 करोड 37
लाख 70 हजार छ। सन् 2002 सालमा
समस्त चीनको मुख्य भूमिमा
जन्मेका बच्चाहरुको संख्या 1
करोड 64 लाख 70 हजार, अर्थात
त्यसको जन्म दर हजारमा 12.86 छ।
त्यो अवधिमा मर्नेहरुको संख्या
82 लाख 10 हजार थियो अर्थात
चीनमा वाल-मृत्यु दर हजारमा
6.41 छ। सन् 2002 मा चीनको
मुख्य भूमिको जनसंख्यामा 82 लाख
60 हजार चोखो बृद्धि भएको छ र
त्यसको प्राकृतिक बृद्धि दर
हजारमा 6.45 रहेको छ।
|