CRI
जन-अदालत चीनको राष्ट्रिय
सुनुवाइ तथा फैसला सम्बन्धी
संस्था हो। चीनमा सर्वोच्च
जन-अदातल, विभिन्न प्रान्त र
स्वायत्त प्रदेश एवम् केन्द्र
शासित शहरहरुमा उच्च जन-अदालत
छन्। तीनका मातहतमा मध्य
जन-अदालत तथा सामान्य जन-अदालत
छन्। सर्वोच्च जन-अदालत चीनको
सबैभन्दा सर्वोच्च न्यायिक
संस्था हो। सर्वोच्च जन-अदालत
चीनको सबैभन्दा उच्च न्यायिक
संस्था हो जसमा विभिन्न तहका
स्थानीय जन-अदातल एवम् विशेष
जन-अदालतको कार्यको अनुगमन गर्ने
वा पुनरावेदन हेर्ने अधिकार छ।
सर्वोच्च जन-अदालत चीनको
राष्ट्रिय जन-कांग्रेस तथा यसको
स्थायी समितिप्रति जवाफदेही
हुन्छ। सर्वोच्च जन-अदालतका
प्रमुख, उप-प्रमुख एवम्
सर्वोच्च सुनुवाइ तथा फैसला
समितिका सदस्यको नियुक्तिको
निर्णय चिनियाँ राष्ट्रिय
जन-कांग्रेसद्बारा गरिन्छ।
सर्वोच्च जन-अदालतको दायित्व निम्नवमोजिम छ:
स्थानीय अदालतले गरेको फैसला विरुद्धका अपील सुन्नु
र फैसला गर्नु, मृत्यु-दण्डको
फैसलालाई अनुमोदन गर्नु,
दण्ड-विधानमा उल्लेख नगरिएको
अपराधलाई मिल्दोजुल्दो नजिकको
अपराधका आधारमा सजाय दिने
अधिकारको प्रयोग गर्नु, निश्चित
फैसलाको कानूनका आधारमा ठोस
व्याख्या गर्नु आदि।
सर्वोच्च जन-अदालतका वर्तमान प्रमुख छ्याउ याङ
हुनुहुन्छ।
|