CRI
उत्तर-पूर्वी चीनको वल्लो शान्सी
प्रान्तको छालाको छाँया चित्रित
ओपेरा निकै जोशिलो र
सुव्यवस्थित हुन्छ। त्यसको
कलात्मक शैली र पद्धति पल्लो
शान्सी प्रान्तको छाले छाँया
चित्रित ओपेरासित मिल्छ। चक्कुको
सट्टा कालो धागोले लाइन कोरिन्छ।
पात्रमा सजाइने एकदमै कुँद्न
गाह्रो पर्ने स-साना वस्तुहरु
निकै सूक्ष्मताका साथ र चिटिक्क
पर्ने गरी कोरिएको छ। त्यसमा
लगाइने रंगहरु स्वयम्
कलाकर्मीहरु आफैले बनाएका रातो,
हरियो र खुर्पानी पहेंलो आदि
हुन्। त्यस्ता रंगहरु उज्यालो,
ताजा र शोभायमान देखिन्छन। यस्ता
रंग लामो समयसम्म जस्ताको तस्तै
रहन सक्छन।
वल्लो शान्सी प्रान्तको दक्षिणी
भागको छालाको छाँया चित्रित
ओपेरामा विभिन्न परम्परागत
लच्छिन सूचक बुट्टाहरु, प्रायजसो
पात्रहरु र प्रयोग गरिने
साधनहरुमा देख्न पाइन्छ। जस्तो
कि फू लू शौ अर्थात् सुख,
पदाधिकारी र चिरायु, छोराले
राष्ट्रिय परीक्षामा प्रथम
स्थान पाएको, हलो ताराको प्रथम
तारा बन्ने, आठजना देवी-देवताले
जन्म दिनको शुभकामना दिने, छी
लिन कहलिने एक सिंगे कल्पित
घोडाले छोरालाई प्रदान गरेको र
बारम्बार छोरो जन्माउने जस्ता
आशीर्वादसहितका बुट्टाहरु
समावेश छन्। पात्रका पोशाकहरुमा
पनि विभिन्न घर-भवन तथा
भाँडा-कुँडामा अङ्कित परम्परागत
बुट्टाहरु कोरिएका छन्। जस्तो
कि यसमा......भन्ने अक्षर
नचुँडिने गरी कोरिने,
वर्षैपिच्छे धनी बन्ने र उच्च
ओहदामा बस्ने, सबै कुरा चिताए
झैं पुग्ने र लामो आयू हुने
जस्ता बुट्टाहरु पर्दछन्।
"हँसिलो
मुद्रामा कपाल कोरेकी केटी"
भन्ने यस चित्रले एउटी सुन्दरी
केटीले ऐनाका अगाडि बसेर कपाल
कोरिरहेको र सिंगार-पटार
गरिरहेको दृश्य देखाएको छ।
छालाको छाँया चित्रण गर्ने
कलाकर्मीहरुले ज्यादै वुद्धिमानी
तरिकाले सुन्दर केटी कपाल कोर्दा
ऐनाभित्रको आफ्नो रुप र बाहिरको
सक्कली मानिस बीच एक-अर्कासित
मिल्ने गरी देखिने दृश्य
अभिव्यक्त गरेका छन्। अभिनय
गर्दा ती दुबैको समान नचाइबाट
झन् ती कलाकर्मीहरुको उच्च शीप
प्रष्ट्याइएको छ। वल्लो शान्सी
प्रान्तको शैलीयुक्त छालाको
छाँया चित्रित ओपेराका बुट्टाहरु
सूक्ष्म र चिटिक्क परेका हुन्छन।
रंगीचंगी टेबुल, कुर्सी, बाकस,
दराज तथा प्राचीन भाँडा-कुँडाहरु
पनि बाक्लो-पातलो मिल्ने गरी
कोरिएका छन जुन निकै वास्तविक र
देखिन्छ। त्यो केटीको पोशाक,
टेबुल र बेन्चका बुट्टाहरु एकदमै
राम्ररी र सूक्ष्मताका साथ
कोरिएका छन्। त्यो देखेर
मानिसहरुलाई साँच्चै नै श्याबास
नभनी नहुने अवस्था छ।
|