CRI
स्वर्गीय छन् यी सन् 1958-1972 को
अवधिमा चीनका विदेश मन्त्री
हुनुहुन्थ्यो।
स्वर्गीय छन् यी
चिनियाँ जन-मुक्ति सेनाका
संस्थापक र नेताहरुमध्येका एक,
सैनिक योजनाकार र गणतन्त्र चीनका
मार्शल हुनुहुन्थ्यो। नयाँ चीनको
स्थापना भएपछि उहाँले चिनियाँ
उप-प्रधानमन्त्री、परराष्ट्र
मन्त्री र चिनियाँ कम्युनिष्ट
पार्टी केन्द्रीय समितिको सैन्य
आयोगका उपाध्यक्षको पद
सम्हाल्नुभएको थियो।
सन् 1958 देखि उहाँले
उप-प्रधानमन्त्री एवम् परराष्ट्र
मन्त्रीको हैसियतले माओ च तोँग र
चाउ एन लाईको कूटनीति र
विचारधारालाई सक्रियताका साथ
व्यवहारमा उतार्दैआउनुभएको थियो।
साथै उहाँ नयाँ चीनको दीर्घकालीन
कूटनैतिक रणनीति र कार्यनीतिको
तर्जुमा गर्ने कार्यमा संलग्न
हुनुभएको थियो र श्री चाए एन
लाईलाई सहयोग गर्दै अनेकन्
महत्वपूर्ण कूटनैतिक गतिविधिमा पनि
उहाँले हात हाल्नुभएको थियो। सन्
1952 को अक्टोबर महिनामा उहाँले
चिनियाँ कम्युनिष्ट पार्टीको
प्रतिनिधि-मण्डलको सदस्यका
हैसियतमा सोभियत कम्युनिष्ट
पार्टीको उन्नाइसौँ महाधिवेशनमा
भाग लिनुभएको थियो र श्री
स्टालिनसँग पनि भेट गर्नुभएको थियो।
सन् 1954 को अक्टोबर महिनामा
उहाँले चिनियाँ कम्युनिष्ट पार्टी
र चीन सरकारको प्रतिनिधि-मण्डलको
नेतृत्व गर्दै प्रजातान्त्रिक
गणतन्त्र जर्मनीको भ्रमण गर्नुभएको
थियो। साथै पोल्याण्डको पनि भ्रमण
गर्नुभएको थियो। सन् 1955 को
अप्रिल महिनामा श्री चाउ एन लाईको
सहायक र चीन सरकारको
प्रतिनिधि-मण्डलको सदस्यको
हैसियतले उहाँ बाङडुङमा आयोजित
एशिया-अफ्रिका सम्मेलनमा सहभागी
हुनुभएको थियो। सन् 1958 को
फेब्रुअरी महिनामा उहाँले पहिलो
पटक उप-प्रधानमन्त्री एवम्
परराष्ट्र मन्त्रीको हैसियतले श्री
चाउ एन लाईका साथमा
प्रजातान्त्रिक जन-गणतन्त्र
कोरियाको मैत्रीपूर्ण भ्रमण
गर्नुभएको थियो साथै चिनियाँ
जन-स्वयंसेवक सेना स्वदेश फर्कने
विषय बारे समुचित पाराबाट
बन्दोबस्त मिलाउनुभएको थियो। सन्
1960 मा उहाँले श्री चाउ एन
लाईसँगै वा स्यवम् आफैले
प्रतिनिधि-मण्डलको नेतृत्व गर्दै
पटक-पटक
नेपाल、भारत、म्यानमार、कम्बोडिया、मंगोलिया
र अफगानिस्तानको भ्रमण गर्नुभएको
थियो। ती भ्रमणका क्रममा
चीन-नेपाल मैत्री सन्धि र आर्थिक
सम्झौता、चीन-कम्बोडिया मैत्री र
पारस्परिक अनाक्रमण
सन्धि、चीन-मंगोलिया मैत्री र
पारस्परिक सहायता सन्धि तथा
चीन-अफगानिस्तान मैत्री र
पारस्परिक अनाक्रमण सन्धि सम्पन्न
भएका थिए।
|