चिनियाँ परराष्ट्र मन्त्रालयका प्रवक्ता चाउ ली च्येनले ६ तारिख नियमित पत्रकार सम्मेलनमा चीनले "जबरदस्ती कूटनीति"मा संलग्न भएको आरोप लगाउँदै अमेरिकी विदेशमन्त्री ब्लिन्कनको भनाइको फेरि एकपटक खण्डन गर्नुभएको छ। उहाँले औंल्याउनुभयो, ‘अमेरिका जबरदस्ती कूटनीतिमा संलग्न छ， अमेरिका यसको शुरुवातकर्ता पनि हो।’

प्रवक्ता चाउले चीन कहिल्यै धम्कीमा संलग्न नहुने बताउँदै जबरदस्ती कूटनीति'मा संलग्न अन्य देशहरूको पनि दृढ रूपमा विरोध गर्ने बताउनुभयो। उहाँले भन्नुभयो, ‘चिनियाँ कूटनीतिको एउटा परम्परा भनेको सानो देश वा ठूला देश सबै देश बराबर हुन्छन्। जब चीनको राष्ट्रिय सार्वभौमिकता र राष्ट्रिय मर्यादालाई जबरदस्ती गरेर उल्लङ्घन गरिन्छ, चिनियाँ पक्षले चालेका उपायहरू उचित र कानुनी रूपमा प्रतिवाद गर्न, देशको वैधानिक अधिकार र हितको रक्षा गर्न र अन्तर्राष्ट्रिय निष्पक्षता र न्यायको रक्षा गर्ने हो।’

प्रवक्ता चाउका अनुसार चीनले अरू देशहरूलाई बल प्रयोग गरेर कहिल्यै धम्की दिँदैन, सैन्य गठबन्धनमा कहिल्यै संलग्न हुँदैन, न त चीनले व्यापार युद्ध लड्न पहल गर्छ, न त यसले अन्य देशका कम्पनीहरूलाई अनावश्यक रूपमा दबाउँछ।

प्रवक्ता चाउले सन् १९७१ मा अमेरिकी विद्वान अलेक्ज्याण्डरले लाओस, क्युबा र भियतनामप्रतिको अमेरिकी नीतिको बारेमा "जबरदस्ती कूटनीति"को अवधारणा प्रस्ताव गरेको बताउनुभयो। वर्षौंदेखि, बलको धम्कीदेखि राजनीतिक अलगावसम्म, आर्थिक प्रतिबन्धदेखि प्राविधिक नाकाबन्दीसम्म, अमेरिकाले आफ्नो स्वार्थ पूरा गर्न विश्वमाथि जबरदस्ती कूटनीति भनेको के हो भनेर देखाउन व्यावहारिक कार्यहरू प्रयोग गरेको छ।