सबै देशहरूमा स्वास्थ्य असमानताहरू छन् र विभिन्न समूहहरूबीच स्वास्थ्य स्थितिमा भिन्नताहरू छन्। विश्व स्वास्थ्य संगठनद्वारा परिभाषित गरिएअनुसार, यस्ता विभेदहरू सामाजिक अवस्थाहरूबाट आउँछन् जसमा मानिसहरू जन्मिन्छन्, हुर्किन्छन् र जीवनयापन आदि गर्छन्, जुन व्यक्तिको नियन्त्रणभन्दा बाहिरको कुरा हुन्छ। फोर्ब्सले लेखेको एउटा समाचार अनुसार अमेरिकामा पनि यस्ता विभेदहरुमा कुनै अपवाद छैन। कोभिड-१९ महामारीको सुरुवातले अमेरिकामा कतिपय जातीय समूहहरूको लागि स्वास्थ्य असमानता कसरी अवस्थित छ भन्ने स्पष्ट उदाहरण दिन सफल भयो।

अमेरिकामा अश्वेत, ल्याटिनो र अमेरिकी भारतीय व्यक्तिहरूले गोराहरूको तुलनामा कोभिड-१९ संक्रमण, अस्पताल भर्ना र मृत्युको उच्च दर अनुभव गरेका छन्। फोक्सोको रोग र उच्च रक्तचाप जस्ता स्वास्थ्य अवस्थाहरूमा आनुवंशिक पूर्वस्थितिले यी संख्याहरूमा योगदान पुर्‍याएको हो तर यी तथ्याङ्कहरूलाई प्रभाव पार्ने सामाजिक कारकहरू अझ बढी छन्। सीमान्तकृत समूहहरू भीडभाडमा भिडेर काम गर्नुपर्ने भएकाले अरूको तुलनामा कोभिड-१९ बाट संक्रमित हुने सम्भावना बढी थियो र अझै पनि छ। तर परीक्षण, उपचार र रिकभरीसँगै आउने आर्थिक तनावको सामना गर्न पनि उनीहरूलाई उत्तिकै कठिन छ।

महामारीको हालको अवस्थामा साढे दुई वर्षको समीक्षा गर्दा अमेरिकामा कम्तिमा २ करोड मानिसहरू कोभिडपछिको अवस्थाहरूको सामना गरिरहेका छन्-जसलाई कोभिड दीर्घकाल भन्न सकिन्छ। यो अनिश्चित छ कि विविध पृष्ठभूमिका मानिसहरूलाई अवस्थाको विकासको उच्च आनुवंशिक जोखिम छ कि छैन तर रङ्गभेदका कारण स्वास्थ्य असमानताहरूको परिणामको सामना गर्नुपर्ने छ। विशेष गरी संक्रमणको उच्च सम्भावना, प्राथमिक/विशेष हेरचाहमा कम पहुँच र अल्पसंख्यक जनसङ्ख्याले सामना गरेको कम आर्थिक स्थितिले दीर्घकालीन कोभिड रिकभरीको लागि थप कठिन बाटोमा हिँड्नुपर्ने भनेर पनि फोर्ब्सले उल्लेख गरेको छ।