पूर्वी अमेरिकी समयअनुसार अगष्ट २ तारिख दिउँसो अमेरिकाका लागि चीनका राजदूत छिन काङले अमेरिकी प्रतिनिधिसभाका सभामुख न्यान्सी पेलोसीले चीनको थाइवान क्षेत्रको भ्रमण गरेकोबारे अमेरिकी ह्वाइट हाउसको राष्ट्रिय सुरक्षा परिषद र विदेशमन्त्रालयसमक्ष कडा विरोध गर्नुभएको छ।
छिन काङले अमेरिकाले चीनको कडा चेतावनी र विरोधलाई वेवास्ता गरी प्रतिनिधिसभाका सभामुख पेलोसीको थाइवान भ्रमण गरेबाट थाइवान विषयमा अमेरिकी नराकात्मक प्रभावलाई भयंकर रूपमा बढाएर एक चीन नीति र चीन-अमेरिका तीन बुँदे संयुक्त विज्ञप्तिसँग गम्भीर विपरीत कार्य गर्ने, चीन-अमेरिका राजनीतिक आधारलाई गम्भीर रूपमा भंग गर्ने, चीनको सार्वभौमिकता र भूभागको अखण्डतालाई गम्भीर रूपमा अतिक्रमण गर्ने, थाइवान जलडमरूको शान्ति र स्थिरतालाई गम्भीर रूपमा ध्वस्त बनाउने गरी थाइवान स्वतन्त्र दललाई गलत सूचना दिइएको र अत्यन्त ठूलो हानी तथा नराम्रो प्रभाव पारिएको बताउनुभयो।
एक चीन निती चीन-अमेरिका सम्बन्धको राजनीतिक आधार र थाइवान विषयको व्यवस्थापन गर्ने मूल नियम हो भने अमेरिकी सरकारको एक अंशको रूपमा रहेको अमेरिकी काँग्रेसले अमेरिकी सरकारको एक चीन नीतिमा अडिग रहेर चीनको थाइवान क्षेत्रसँग कुनै पनि सरकारी आवत-जावत गर्नु नहुने छिनकाङले दोहोर्याउनुभयो।