चीनको राजधानी पैचिङबाट करिब 180 किलोमिटर पूर्वमा थाङ्शान भन्ने सहर छ। यो ह पै प्रान्तको सबैभन्दा ठूलो इस्पात सहर हो र यसको इस्पात उत्पादनले चीनको कुल उत्पादनको करिब आठ भागको एक भाग ओगटेको छ। कुनै बेला थाङ्शान चीनको सबैभन्दा प्रदूषित सहरहरू मध्येको एक थियो।

स्याटेलाइट तस्बिरहरू मार्फत यो स्पष्ट रूपमा देख्न सकिन्छ कि दस वर्ष पहिले, थाङ्शानमा चिनसि इस्पात कारखाना सीसा-खैरो धुलोको तहले ढाकिएको थियो। मार्च 2021सम्म कारखाना क्षेत्र, कार्यशाला र समर्थन सुविधाहरू स्याटेलाइट छविहरूमा स्पष्ट रूपमा देखिएको छ।

ह पै चिनसि इस्पात ग्रुप कम्पनिको पार्टी कम्युनिटिका सचिव यु लि फङले भन्नुभयो: "हाम्रो कम्पनीको हालको प्रमुख प्रदूषकहरूको उत्सर्जन सन् 2012 को दशांश बराबर छ। ह पै प्रान्तमा जहाँ चिनसि इस्पात कारखाना अवस्थित छ, तेह्रौं पञ्चवर्षीय योजना (2016-2020) को अवधिमा धेरै इस्पात उत्पादन क्षमता घटाइएको थियो। तदनुसार ह पै प्रान्तमा पीएम 2.5को औसत मात्रा सन् 2013 मा 108 माइक्रोग्राम प्रति घनमिटरबाट सन् 2021 मा 38.8 माइक्रोग्राम प्रति घनमिटरमा झरेको छ। साथै ह पैमा गत दशकमा औद्योगिक उत्सर्जन कम भएको बेला ऊर्जा संरचना सफा भएको छ।

ह पै प्रान्त चीनको परिवर्तनशील ऊर्जा संरचनाको सूक्ष्म जगत हो। चीनमा  339 सहरहरूद्वारा घोषणा गरिएका उत्कृष्ट दिनहरू क्रमबद्ध गर्दै जाँदा सन् 2015 मा 280 दिनको तुलनामा सन् 2021मा प्रति सहर नीलो आकाशको संख्या 39 दिनको औसतमा बढेर 319 दिन पुगेको फेला परेको छ।

हावाको गुणस्तर सीधा जनताको खुशीयालीयुक्त जीवनसँग सम्बन्धित छ। चीनका राष्ट्राध्यक्ष सी जिनपिङले औंल्याउनुभएको छ, "निलो आकाश र सेतो बादल र चम्किरहेका ताराहरू अझै पनि जनताका लागि उपलब्ध छन्।"