नेशनल सेन्टर फर हेल्थ स्ट्याटिस्टिक्सले हालै जारी गरेको एक प्रतिवेदनले २०२० र २०२१ को महामारीको शिखर वर्षहरूमा, राष्ट्रिय कल्याणको सबैभन्दा आधारभूत मापन संयुक्त राज्य अमेरिकामा सरदर आयु ७८.८ बाट घटेर ७६.१ वर्षमा झरेको छ। आश्चर्यजनक रुपमा २.७ वर्षले अमेरिकी आयु घटेको देखिएको कुराले अमेरिकीलाई गिज्याइरहेको छ। यो सन् १९९६ पछिको सबैभन्दा न्यून स्तर हो। सरल भाषामा भन्ने हो भने, महामारीले चिकित्सा व्यवस्था र स्वस्थ जीवनशैलीमा भएको एक चौथाई शताब्दीको प्रगतिको प्रभावलाई मेटाएको छ। 

वालस्ट्रिट जर्नलका अनुसार उमेर घट्ने जनसंख्यामा समान रूपमा बाँडिएका छैनन्। अमेरिकी सरदर आयु पुरुषहरूको लागि ३.१ वर्षले घटेको छ भने महिलाहरूको लागि २.३ वर्षले घटेको छ। त्यसैगरी गोरा जातिमा २.४ वर्ष, अश्वेतमा ४, हिस्पैनिकमा ४.२ वर्ष र मूल अमेरिकी/अलास्का मूल निवासीमा ६.६ वर्ष घटेको छ। अन्यको तुलनामा एशियाली अमेरिकीहरूले आयु २.१ वर्ष घटेको देखिन्छ। प्रत्येक समूहका लागि, पुरुषहरू बीचको गिरावट महिलाहरू बीचको तुलनामा पर्याप्त रूपमा उच्च छ र पुरुष र महिलाहरू बीचको समग्र भिन्नता ४.८ वर्षबाट ६ वर्षमा फराकिलो भएको छ। यो अन्तर अन्तिम पटक १९९० को मध्यमा देखिएको थियो।

आफ्ना साथीहरूको तुलनामा, अमेरिकाले विगत दुई वर्षमा खराब प्रदर्शन गरेको छ। सन् २०२० मा संयुक्त राज्य अमेरिकीको सरदर आयु अन्य उन्नत राष्ट्रहरूको औसत भन्दा तीन गुणा बढी थियो। सन् २०२१ मा यसका धेरैजसो सङ्गाती मुलुकहरूले केही हराएको भूमि फिर्ता पाए तर अमेरिका गलत दिशामा अघि बढ्यो। नतिजाका रूपमा, संयुक्त राज्य अमेरिका र सङ्गाती राष्ट्रहरू बीचको सरदर आयुको अन्तर लगभग दुई वर्षले विस्तार भएको देखिन्छ।