दोहा एशियाली खेलकुद शुरु भएको आज दोस्रो दिन हो। स्थानीय समय अनुसार, आज विहान सम्पन्न भएको पुरुष समूहतर्फको दश मिटर एयर पेस्तोलको सामूहिक प्रतियोगितामा थान चुङ लाइङ, लीन चुङ चाइ तथा फाङ वै सम्मिलित चिनियाँ टोलीले विजय हासिल गरेको छ। यो आज चीनले हासिल गरेको पहिलो स्वर्ण पदक हो।

      उक्त प्रतियोगितामा दक्षिण कोरिया तथा भियतनामले क्रमशः रजत तथा काँस्य पदक प्राप्त गरेका छन।

      शुटिङ्ग प्रतियोगितातर्फ तीनवटा स्वर्ण पदकको निर्णय भैसकेको छ। पुरुप समूहतर्फ पचास मिटर राइफल प्रोनको सामूहिक प्रतियोगितामा चिनियाँ टोलीले काँस्य पदक हासिल गरेको छ। काजाक्स्तान तथा दक्षिण कोरियाले क्रमशः स्वर्ण तथा रजत पदक प्राप्त गरेका छन।

      मेन्स ट्रयाप प्रतियोगितामा कुवेतले स्वर्ण पदक जितेको छ। यस पटकको एसियाली खेलकुद प्रतियोगितामा कुवेतको यो पहिलो स्वर्ण पदक हो। उक्त प्रतियोगिताका भारत तथा लेबनानले क्रमशः रजत तथा काँस्य पदक पाएका छन।

      आज भइरहेका शुटिङ, पौडी, जूडोलगायतका आठवटा प्रतियोगिताहरुमा अठ्ठाइसवटा स्वर्ण पदकको व्यवस्था गरिएको छ। चिनियाँ टोलीले शुटिङ्ग, पौडी आदि प्रतियोगिताहरुमा स्वर्ण पदक पाउने सम्भावना छ।