दोहा एशियाली खेलकूदको हिजोको कार्यक्रमअनुसार, हिजो आयोजित विभिन्न खेलहरुमा बतीसवटा स्वर्ण पदकको निर्णय गरिएको छ। तर हिजोको खेलमा एक जना खेलाडीको अकस्मात मृत्यु भएको दुखद समाचार पनि प्रकाशित गरिएको छ।

         हिजो विहान आयोजित घोड-चढी कलाको प्रतियोगितामा दक्षिण कोरियाली खेलाडी कीम ह्युन चील घोडाबाट लडेर मृत्यु भएको जनाइएको छ। यो खेलाडी मृत्यु भएको एशियाली खेलकूदको इतिहासमा पहिलो दुर्घटना हो।

         चिनियाँ टोलीले हिजोको प्रतियोगितामा जम्मा चौध वटा स्वर्ण पदक प्राप्त गरेको छ। स्वर्ण पदक प्राप्त गर्ने चिनियाँ खेलाडीमध्ये वाङ ह्वाउ तथा को वेले टेबुल टेनिस प्रतियोगिताका पुरुष तथा महिला एकलको च्याम्पिन्शिप पाउनुभयो भने वाङ नान तथा मा लीनले टेबुल टेनिसको मिश्रित युगलको स्वर्ण पदक पाउनुभयो। पथ-मैदानको प्रतियोगितामा चिनियाँ खेलाडी हान यु छङ्गले एक घण्टा एक्काइस मिनेट चालीस सेकेन्डमा निर्धारित दूरी पार गरी स्वर्ण पदक प्राप्त गर्नुभयो। तीङ च्युन ह्वैले स्नूकको प्रतियोगितामा यस पटकको खेलकूदमा उहाँले तेस्रो स्वर्ण पदक हासिल गर्नुभयो। यस बाहेक, शुटिङ्ग, टाइक्वान्दौका चिनियाँ खेलाडीहरुले पनि स्वर्ण पदक प्राप्त गर्नुभएको छ।

         चिनियाँ टोलीले हिजोसम्म नब्बे वटा स्वर्ण, पचास रजत र बीसवटा काँस्य पदकसहित पदक तालिकामा पहिलो स्थानमा रहेको छ भने जापान तथा गणतन्त्र कोरिया क्रमशः दोस्रो तथा तेस्रो स्थानमा रहेका छन।