दोहा एशियाली खेलकुदअन्तर्गत आज पथ-मैदान प्रतियोगिताअन्तर्गतका विभिन्न खेल र कुश्ती आदिमा अन्तिम प्रतिष्पर्धा हुनेछ।
आज दिउँसो भएको एकल महिला टेनिसको क्वार्टर फाइनलमा चिनियाँ खेलाडी चन् चे एकका विरुद्ध दुइले विजयी भएर अघिल्ला चार स्थानमा प्रवेश गरेकी छन। बेस बलअन्तर्गत दोस्रो चरणको खेलमा चिनियाँ टोलीले उत्तर कोरियालाई शून्यका विरुद्ध पाँचले हराएको छ।
चिनियाँ खेलाडीहरुले अहिलेसम्म एक सय दशवटा स्वर्ण पदक, त्रिसट्ठीवटा रजत पदक र उनान्चालीसवटा काँस्य पदक हासिल गरी पदक तालिकामा पहिलो स्थानमा रहेको छ। दोश्रो र तेश्रो स्थानमा क्रमशः जापन र गणतन्त्र कोरिया रहेका छन।
|