दोहा एशियाली खेलकुदमा हिजो जम्मा छत्तीसवटा स्वर्ण पदकको फैसला भएको छ। चिनियाँ खेलाडीहरुले तीमध्येका चौधवटा स्वर्ण पदक जितेर कूल एक सय चौबीस स्वर्ण पदकसहित पदक तालिकामा चीनलाई पहिलो स्थानमै राखेका छन। गणतन्त्र कोरियाले सातवटा स्वर्ण पदक जितेर जापानलाई उछिनेको छ। यसरी हालसम्म पदक तालिकामा दोश्रो स्थानमा रहेको जापानी टोली अब तेश्रो स्थानमै चित्त बुझाउन वाध्य भएको छ।

        आज बाह्र तारिखका दिने हुने प्रतियोगिताहरुमा पनि छत्तीसवटा स्वर्ण पदकको फैसला हुनेछ। यथेन्स ओलिम्पिकका च्याम्पियन लिउ श्याँगले पथ-मैदान प्रतियोगिताअन्तर्गत पुरुषतर्फको एक सय दश मीटर अवरोध दौडमा यथावत् रुपमा पहिलो स्थान हासिल गर्न प्रयास गर्नुहुनेछ।