दोहा एशियाली खेलकुदमा हिजो जम्मा छत्तीसवटा स्वर्ण पदकको फैसला भएको छ। चीनले तीमध्येका तेह्रवटा स्वर्ण पदक जितेको छ। चिनियाँ खेलाडीहरुले जम्मा एक सय सैंतीसवटा स्वर्ण पदक, पचहत्तरवटा रजत पदक र सन्ताउन्नवटा काँस्य पदक प्राप्त गरी स्वर्ण पदक तालिका र पदक तालिका दुबैतर्फ पहिलो स्थान कायम राखिरहेका छन। गणतन्त्र कोरिया र जापान क्रमशः दोश्रो र तेश्रो स्थान स्थानमा छन।

        हिजो भएको पुरुषतर्फको एक सय दश मीटर अवरोध दौडको फाइनल खेलमा चिनियाँ खेलाडी लिउ श्याँगले तेह्र दशमलब पन्ध्र सेकेन्डमा दूरी पार गरी पहिले आफैले कायम गरेको तेह्र दशमलब सत्ताइस सेकेन्डको एशियाली खेलकुदको किर्तिमानलाई तोडेका छन। महिला भलिबलको फाइनल खेलमा चिनियाँ टोलीले एकका विरुद्ध तीनले जापानी टोलीलाई पराजित गरेको छ।

        एशियाली ओलिम्पिक खेलकुद परिषद्‍ले हिजो घोषित गरे अनुसार, इराकी पुरुष शारीरिक सुगठन खेलाडीले प्रतिबन्धित औषधीको प्रयोग सम्बन्धी नियमको उल्लंघन गरेका कारण निजलाई चालू एशियाली खेलकुदबाट निष्काशित गरिएको छ। उता भारतीय प्रसिद्ध तारोहान खेलाडी जस्पाल राणाले यस एशियाली खेलकुदमा जम्मा तीनवटा स्वर्ण पदक र एउटा रजत पदक प्राप्त गरेकाले निजलाई "वरिष्ठ खेलाडी" को पदवीबाट विभूषित गरिएको छ।

       आजको प्रतियोगितामा बक्सिङ, यट चलान, टेनिस र ऊ शु लगायतका धेरै खेलहरुको फाइनल प्रतियोगिता हुने कार्यक्रम छ।