चीनका उप-वाणिज्य मन्त्री वै चेन कोले आज शांगहाईमा बोल्दै चीन सरकारले अन्तर्राष्ट्रिय समाजसँगै हातमा हात मिलाएर अफ्रिकाको आत्म-विकासयुक्त क्षमताको प्रवर्द्धनका लागि सघाउ पुर्‍याउँदैजाने कुरा बताउनुभएको छ।

           उहाँले आज शांगहाईमा आयोजित "बैंकिंगको विकास तथा चीन-अफ्रिका आर्थिक सहयोग" गोष्ठीलाई सम्बोधन गर्दै उक्त कुरा बताउनुभएको हो। यसका साथै, उहाँले अफ्रिकी मुलुकहरुले क्षेत्रीय स्थायीत्व तथा आर्थिक विकासका लागि गरेको प्रयासमा बढी महत्व दिएर द्बिपक्षीय वा बहुपक्षीय तरिकामार्फत ठोस कदमहरु चालेर अफ्रिकाको विकासमा देखापरेका समस्याको वास्तविकरुपमा समाधान गर्नुपर्छ भन्नुभयो।

            चीनको राष्ट्रिय विकास बैंकका उप-गभर्नर काउ चेनले आजको गोष्ठीमा बोल्दै अफ्रिकी विकास बैंक लगायतका केही क्षेत्रीय विकाससम्बन्धी बैंकिंग संस्थाहरु नै अफ्रिकाको मुख्य शक्ति हुन भन्नुभयो। यी संस्थाहरुसित व्यापकरुपमा सहयोग गर्न चीनको राष्ट्रिय विकास बैंक इच्छुक रहेको कुरा पनि उहाँले औंल्याउनुभयो।