चिनियाँ जन-बैंकका गभर्नर चौ स्याउ व्छान्‌ले आज विहान शांग हाईमा बोल्दै एशिया र अफ्रिकाबीचको बैंकिंग सहयोगमा झन् सकारात्मक भूमिका निर्वाह गर्न चीन इच्छुक रहेको कुरा बताउनुभयो। शांग हाईमा आयोजित "अफ्रिका र एशियाः विकासमा साझेदारी"विषयक मन्त्री स्तरीय गोल-टेबुल बैठकमा बोल्दै श्री चौ स्याउ व्छान्‌ले उक्त कुरा बताउनुभएको हो ।

          श्री चौ स्याउ व्छानका अनुसार, बैंकिंग सुधार र खुलापनलाई अघि बढाउने, बैकिंगसम्बन्धी समष्टिगत नियन्त्रण र सामन्जस्यलाई मजबूत पार्ने क्षेत्रमा अफ्रिकी मुलुकहरुसितको आदान-प्रदान र सहयोगलाई चीनले अरु बढी सबल पार्नेछ।

          चीनले अफ्रिकी विकास बैंकसितको सहयोगात्मक साझेदारी सम्बन्धलाई अटलताका साथ अरु विकसित पार्ने कुरा श्री चौ स्याउ व्छान्‌ले दोहर्‍याउनुभयो।

          चौ स्याउ व्छान्‌का अनुसार, एशिया र अफ्रिकाबीचको आर्थिक सहयोगलाई मजबूत पार्नु एशिया र अफ्रिकाको गरिबी निवारण र विकासका लागि हितकर छ। यो अफ्रिका र एशिया सँगसँगै विश्वव्यापी आर्थिक वृद्धिलाई अघि बढाउने महत्वपूर्ण शक्ति बन्नेछ।