चीनको सिन्च्याङ युगुर स्वायत्त प्रदेशको सदरमुकाम उरूमुछी शहरको नं. ५९ प्राथमिक स्कूलको कक्षा एकमा पढ्ने विद्यार्थी वन यीयाङले ग्रीष्म बिदामा सिन्च्याङ सङ्ग्रहालयमा स्वयमसेवकको रूपमा गाइडको भूमिका निभाइरहेकी छे। हरेक हप्ता २ पटक गरी सङ्ग्रहालयमा गएर बिहानभरीको समयमा ३/४ पटक गरी दर्शकहरूलाई सङ्ग्रहालयबारे जानकारी दिने गर्छे। 'गाइडको काम गरेपछि मैले धेरै ज्ञान सिकेको छु र धेरै दर्शकहरूले मैले दिने जानकारी मन परेको बताएको सुनेर मलाई अत्यन्तै खुशी लाग्छ' केटी वन यीयाङले भनी।

वास्तवमा सन् २०१२ देखि सिन्च्याङ सङ्ग्रहालयमा कान्छी गाइड कार्यक्रम संचालन भइरहेको छ र हरेक ग्रीष्म/हिउँदे बिदामा केटाकेटीहरूले सक्रियताका साथ कान्छा गाइडको लागि दर्ता गर्ने गर्छन्। यसै ग्रीष्म बिदामा सङ्ग्रहालयमा जम्मा गरी ६-११ वर्षसम्मका ६० जना कान्छा गाइडहरूले दर्शकहरूका लागि जानकारी दिइरहेका छन्। ती कान्छा गाइडहरू २५० जना स्थानीय केटाकेटीहरूको माझबाट छनौट गरिएका हुन्।