चीनमा कोभिड-१९ महामारीको नियन्त्रण तथा प्रतिरोधका कामहरू निरन्तर जारी छ। साथै सेवारत तथा नीतिगत समर्थनमा कम्पनी तथा कारखानाहरूमा उत्पादन तथा काम पनि पुनः शुरू भइरहेका छन्।

रोगको नियन्त्रण तथा कारखाना पुनः सञ्चालनका लागि शाङहाई नगरपालिकाले 'कर घटाउने तथा मौद्रिक अप्ठ्यारो' भन्ने साझा समस्याको समाधान गर्न २८ बुँदे सुविधाजनक नीति लागू गरेको छ। मार्चको अन्तसम्ममा शाङहाईका ११२ वटा ठूला परियोजना पुनः शुरू गराउने योजना छ र ती परियोजनाहरूमा संलग्न लगानी रकम ७२ अरब १० करोड चिनियाँ युआन रहेको छ।

वार्षिक आर्थिक तथा सामाजिक विकास लक्ष्यको कार्यान्वयनमा प्रत्याभूति दिनका लागि क्वाङ तुङ प्रान्तीय सदरमुकाम क्वाङचौमा गाडी, उत्पादन प्रबन्धको निर्माण, डिजिटल अर्थतन्त्र लगायतका क्षेत्रमा ४८ वटा कदमहरू चालिरहेका छन्। जसबाट ती व्यवसायहरूका लागि ८३ अरब युआन बराबरको कर घट्ने छ। साथै आपत्तकालीन ऋण लिने प्रणाली तथा ऋण लिन जोखिम कम पार्ने आर्थिक सहायता अवस्था पनि स्थापना गरिएको छ। हालसम्म क्वाङ तुङ प्रान्तीय क्वाङचौ शहरमा वार्षिक आम्दानी २ करोड भन्दा बढी भएका उत्पादित व्यवसायहरू पुनः शुरू भएको दर ९९.५ प्रतिशत पुगिसकेको छ।

यसै गरी चीलिन प्रान्तमा पनि औद्योगिक व्यवसायको पुनः सञ्चालनका लागि ८ वटा समर्थनयुक्त मञ्च स्थापना गरी औद्योगिक उत्पादन तथा परियोजनाको निर्माण क्रममा देखा परेका अप्ठ्यारालाई हटाइएका छन्। हालसम्म चीलिन प्रान्तभरि वार्षिक आम्दानी २ करोड भन्दा बढी भएका उत्पादित व्यवसायहरू पुनः शुरू भएको दर ९६.७ प्रतिशत पुगेको छ।

चीन राष्ट्रिय विकास तथा सुधार समितिले मार्च ८ तारिख जनाए अनुसार, चीन-यूरोप रेलवे रूटमा पुनः संचालनमा आएका रेलहरूको संख्या कूल संख्याको ९० प्रतिशतभन्दा बढी पुगेको छ। चीन-यूरोप रेलवे सुरक्षित, नियमित तथा उच्च कार्यकुशलगत रूपमा सञ्चालनका लागि चीन सरकारले थप समर्थन नीति लागू गर्ने छ।