जिम्बाब्वे चीनको परम्परागत मैत्रीपूर्ण मुलुक हो। दुई मुलुकका जनताहरूले गत शताब्दीको राष्ट्रिय मुक्ति आन्दोलनको अवधिमा गहिरो मित्रता स्थापना गरेका थिए। वर्तमान कालमा जिम्बाब्वेका धेरै युवायुवतीले चिनियाँ भाषा बोल्न जान्नुका साथै चीनबारे जानकारी राखेका छन्। उनीहरू चीन र जिम्बाब्वेको मित्रतालाई निरन्तरता दिने सद्भावना दूत बन्दैछन्। चीनमा अध्ययन गरेका जिम्बाब्वेका युवक टाफारा मुग्नारा उनीहरूमध्येका एक हुन्।

"मेरो नाम टाफारा हो। हाल म २९ वर्षको भएँ। मैले जिम्बाब्वे विश्वविद्यालयबाट स्नातक गरेको थिएँ। सन् २०१६ देखि सन् २०१९ सम्ममा मैले स्या मन विश्वविद्यालयमा अन्तर्राष्ट्रिय सम्बन्धमा मास्टर डिग्री गरेँ।"