मानव जातिले सधैं एउटा प्रश्नको विचार गरेको छ। मानिसले कसरी जीवन बिताउने? सिनच्याङ युगुर स्वायत्त प्रदेशमा एक युवा प्रहरी थुहाइलीले आफ्नो जीवनमार्फत् जवाफ दिएका छन्।

उनको जीवनकाल निकै छोटो रह्यो। सन् १९८२ मा जन्मेका थुहाईलीको जीवन अवधि जम्मा २५ वर्ष मात्र रह्यो। सन् २००६ नोभेम्बरमा २४ वर्षे थुहाईलीले परीक्षा उत्तीर्ण गरी सिनच्याङ प्रदेशीय उच्याछ्यु शहरीय सार्वजनिक सुरक्षा ब्यूरोमा प्रवेश गरेका थिए। सन् २००७ फेब्रुरी १३ तारिखदेखि थुहाइली औपचारिक रूपमा प्रहरी बनेर मङचिन प्रहरी स्टेशनमा काम थालेका थिए।

मङचिन प्रहरी स्टेशन राष्ट्रिय श्रेष्ठ सार्वजनिक सुरक्षा एकाइ हो। उक्त समूहमा संलग्न भएपछि थुहाइलीले गौरव अनुभव गरेका थिए। साथै उनले दवाब पनि महसूस गरेका थिए। कार्यावधिको दोस्रो दिनमा उनले डायरीमा यस्तो लेखेका थिए-"म राम्रोसँग कार्य गर्छु। आफ्नो व्यावहारिक गतिविधिद्वारा म एक श्रेष्ठ र राम्रो प्रहरी भएको पुष्टि गर्नेछु।"

परिवारका सदस्यले उनलाई प्रहरी भएपछि व्यक्तिगत सुरक्षामाथि ध्यान दिँदै सावधानी अपनाउन आग्रह गरेका थिए। तर थुहाईलीले प्रहरीको जिम्मेवारी सहज रूपमा स्वीकार्ने जवाफ दिएका थिए।

यसै बीच, सन् २००७ फेब्रअरी १७ तारिखको रात थुहाईली रात्रिकालीन् सत्रमा काम गर्दै थिए। उनले एउटा नृत्य हलमा दर्जनौ मान्छेहरू झगडा गरिरहेको सूचना पाएलगत्तै उनी आफ्ना सहकर्मीसँग त्यहाँ पुगे। घटनास्थलमा एकातिर ७ जना र अर्कोतिर ९ जना झगडा गर्दै थिए। तीमध्ये कसैको हातमा धारिलो हतियार समेत थियो। थुहाईलीले सबैभन्दा पहिला धारिलो हतियार थुते। त्यसपछि भागेकाहरूलाई प्रकाउ गरे। त्यस दिन उनले प्रहरीको काम थालेको चौथो दिन मात्र थियो।

कर्तव्यनिष्ठ, कोमल, नम्र, शील, प्यारो आदि आदि यी उच्च शब्दहरूबाट थुहाईलीको परिवारका सदस्य तथा छिमेकी र शिक्षकले उनको यसरी मूल्याङ्कन गरेका छन्।

वास्तवमा उनका बुवा उच्चस्तरीय अधिकारी हुनुहुन्छ। तर उनले अरूलाई यसबारे सुइँको समेत दिएका थिएनन्। प्रहरी चौकीका प्रमुखले समेत थुहाईलीको मृत्युपछि मात्र उनको परिवारको अवस्थाबारे थाहा पाएका थिए। विद्यालय र प्रहरी सेवामा काम गर्ने बेलामा पनि थुहाईलीले सार्वजनिक बसद्वारा मात्र आवतजावत गरेका थिए। उनले बुवाको गाडी प्रयोग गरेका थिएनन्।

यसै गरी अर्को ह्रदयविदारक घटना सन् २००७ जुलाई १३ तारिखको दिन घटेको थियो। एकजना १२/१३ वर्षका केटा स्थानीय नदीतटमा खेल्दाखेल्दै एक्कासी नदीमा डुबेको थियो। यो सूचना पाएलगत्तै एक प्रहरी जवान र तीन सहायक प्रहरी उक्त केटाको उद्धार गर्न नदी पुगेका थिए। त्यसै समयमा निरन्तर दुई महिनासम्म काम गरेर छुट्टी पाएका थुहाईली चौकीमा नै थिए। उनी पनि धेरै हातको सहयोग पाएपछि सजिलो हुने भन्दै नदीतिर दौडे।

उनी घटनास्थलमा पुग्नेबित्तिकै नदीमा हामफाले। उनले धेरै प्रयास गरे तापनि नदीको तीव्रताका कारण सफल हुनसकेनन्। अन्त्यमा, चिसो नदीमा त्यो केटाले मात्रै होइन, थुहाईलीले समेत ज्यान गुमाउनु परेको थियो।

अर्को दिन, १७ तारिख सो स्थानमा भिषण वर्षा भयो। लगभग बीस हजार सर्वसाधारणले भिषण वर्षाबीच युवा प्रहरीलाई विदाइ गरे। पाँच महिनाको मात्र प्रहरी जीवन भए तापनि थुहाईलीले आफ्नो व्यवहार र कामले समाजमा उत्तम छाप छोडेको छ।

साथै चीन सरकार र स्थानीय सरकारले थुहाईलीलाई हीरो र मोडलको सम्मान दिएको छ।