कोरोना भाइरस महामारी देखा परेपछि जन राजनीतिक परामर्शदातृ सम्मेलनकी सदस्य, सिन च्याङ युगुर जातिय स्वायत्त प्रदेशको उरूमुची शहरको चिनियाँ परम्परागत चिकित्सा विधि अस्पतालकी प्रमुख यु मैले महामारीको प्रतिरोध कार्यमा भाग लिनुभएको थियो। पैचिङमा चीनका "दुई वटा अधिवेशन" मा सहभागी हुनुभएको अवधिमा उहाँले चाइना मिडिया ग्रुपका पत्रकारलाई अन्तर्वार्ता पनि दिनुभएको थियो। सो अन्तर्वार्तामा उहाँले उरूमुची शहरमा कोरोना भाइरस महामारीको प्रतिरोध गर्ने क्षेत्रमा चिनियाँ परम्परागत चिकित्सा विधि र चिनियाँ जडीबुटी औषधीले निकै महत्वपूर्ण भूमिका खेलेको भन्दै चिनियाँ परम्परागत चिकित्सा विधि र चिनियाँ जडीबुटी औषधीको आविष्कारमार्फत विश्वको स्वास्थ्य कार्यका लागि चिनियाँ योगदान पुर्याउनसक्ने आशा राख्नुभयो।
कोरोना भाइरस महामारी देखा परेपछि यु मैले आफ्नो अस्पतालमा एक दिनको पनि छुट्टी नलिइ निरन्तर एक महिनासम्म काम गर्नुभएको थियो । उरूमुची शहरको चिनियाँ परम्परागत चिकित्सा विधि अस्पतालले प्रशस्त चिनियाँ जडीबुटी औषधी बनाएर सम्बन्धित व्यक्तिहरुलाई वितरण गरेको छ। यु मै भन्नुहुन्छ,
कोरोना भाइरस देखा परेको बेलामा हाम्रो अस्पतालले विशेषज्ञ टोलीको गठन गरी महामारीको प्रतिरोध सम्बन्धी दुई वटा प्रस्ताव प्रस्तुत गरेको थियो। हाम्रो अस्पतालले स्थानीय औषधी व्यवसायीहरुसँग समन्वय गरी रातदिन काम गरी चिनियाँ जडीबुटी औषधीको दश लाख भन्दा बढी प्याकेट बनाएर महामारीको प्रतिरोधमा रहेका कर्मचारी र भाइरस सङ्क्रमण हुनसक्ने उच्च जोखिममा रहेका व्यक्तिहरुलाई वितरण गरेका थियौं।
साथै उरूमुची शहरको चिनियाँ परम्परागत चिकित्सा विधि अस्पतालले कोरोना भाइरस संक्रमितहरुको उपचार गर्ने विशेष अस्पतालतर्फ चिकित्साकर्मीहरुलाई खटाएको थियो। उनीहरुले चिनियाँ परम्परागत चिकित्सा विधि र पश्चिमा चिकित्सा विधिसँगै मिलेर संक्रमितहरुको उपचार गरेका छन्। यु मै भन्नुहुन्छ,
कोरोना भाइरस संक्रमितहरुसँग सम्पर्कमा रहेका संदिग्ध बिरामी र निश्चित बिरामीहरुलाई लक्षित गरी हामीले विशेषज्ञ टोलीको गठन गरी बिरामीहरुलाई चिनियाँ जडीबुटी औषधी सुझाएका थियौं। समष्टिगत रुपबाट हेर्दा चिनियाँ परम्परागत चिकित्सा विधिले उरूमुची शहरमा कोरोना भाइरसको प्रतिरोध र उपचार क्षेत्रमा निकै महत्वपूर्ण भूमिका खेलेको छ।
हालसम्म सिन च्याङ युगुर स्वायत्त प्रदेशमा कोरोना भाइरसका संक्रमितहरुको संख्या मात्र ७६ जना रहेका छन्। गत फेब्रअरी १९ तारिखदेखि सिन च्याङमा नयाँ संक्रमित थपिएको छैन भने मार्च ९ तारिखमा सबै संक्रमितहरु अस्पतालबाट डिस्चार्ज भएका थिए।
कोरोना भाइरस विश्वमा फैलिएको अवधिमा केही मुलुकहरुको मांगमा चीनले चिनियाँ परम्परागत चिकित्सा विधि सम्बन्धी विशेषज्ञहरुलाई ती मुलुकहरुमा पठाएको छ। चिनियाँ परम्परागत चिकित्सा विधि सम्बन्धी विशेषज्ञहरुले स्थानीय बासिन्दाहरुलाई चिनियाँ जडीबुटी औषधीबाट स्थानीय वातावरण बमोजिम बिरामीहरुको निदान तथा उपचार गरेका छन्। थाइल्याण्ड, इरान र जिम्बाब्वे लगायत दर्जनौं मुलुकहरुमा चिनियाँ परम्परागत चिकित्सा विधि सम्बन्धी विशेषज्ञहरु र चिनियाँ जडीबुटी औषधीले महामारीको प्रतिरोध तथा नियन्त्रणका लागि सक्रिय योगदान पुर्याएको छ।
यु मैका अनुसार, चिनियाँ परम्परागत चिकित्सा विधिको हजारौं वर्षको इतिहास छ, दुई हजार वर्षअघि चिनियाँ परम्परागत चिकित्सा विधि सम्बन्धी कृति-"पहेंलो सम्राटको आन्तरिक शास्त्र"मा सरुवा रोगबारे स्पष्टसँग व्याख्या गरिएको छ। हिजोआज चिनियाँ परम्परागत चिकित्सा विधि तथा पश्चिमी चिकित्सा विधिको सैद्धान्तिक आधार पूर्ण रुपमा फरक भएको हुनाले चिकित्साकर्मीहरुको बुझाई पनि फरक छ। चिनियाँ परम्परागत चिकित्सा विधिले आधुनिक चिकित्सा सिद्धान्तबाट सिकेर परम्पराको विकास र आविष्कार गर्नुपर्छ। यु मै भन्नुहुन्छ,
चिनियाँ परम्परागत चिकित्सा विधिलाई विश्वभर फैलाउने इच्छा छ। महामारीको प्रतिरोधमा हाम्रो अनुभवलाई पनि विश्वभर बाँड्ने हाम्रो चाहना छ। हाम्रो साझा शत्रु महामारी हो। सम्पूर्ण विश्व शान्त भएमा मात्र हाम्रो मुलुक र हाम्रा हरेक व्यक्ति सुरक्षित हुने छन्। विश्वको महामारीलाई चाँडै नियन्त्रण गर्नका लागि चिनियाँ परम्परागत चिकित्सा विधिले योगदान पुर्याउने आशा राखेका छौं।
