चीनको क्वै चौ प्रान्तीय फिङ थाङ जिल्लासँग धेरै मानिसहरू परिचित छैनन्। हाल गरिबी निवारण कारवाहीमा फिङ थाङ जिल्लाले दूरदृष्टी राखेर गरिबीबाट मुक्त हुनुका साथै धनी र समृद्ध बन्ने बाटोतर्फ लम्केको छ।

क्वै चौ प्रान्तीय फिङ थाङ जिल्लाको खा फु माउ नान बस्तीको याङ ह गाउँका वासिन्दा श भै स्याङ र उनकी श्रीमतीले पाँच मू अर्थात् ०.३३ हेक्टरको खेतीयोग्य जमीनमा खुर्सानी रोपेका थिए। दुई महिनाको समयमा यो जोडीले खुर्सानी भित्र्याएका छन्। श भै स्याङकाअनुसार, उनले अर्डरअनुसार रोपेका हुन् र विक्रीको चिन्ता लिनुपर्दैन। सन् २०१७ मा खा फु माउ नान बस्तीले छिआन नान जातीय नोर्मल विश्वविद्यालयसँग सम्झौतामा हस्ताक्षर गरी “विद्यालय र किसानलाई जोड्ने” ढाँचाको अन्वेषण गरेको थियो। स्थानीय किसानले विद्यालयको अर्डरबमोजिम उत्पादन गर्ने गरेका छन्। किसानले उत्पादन गर्ने र विद्यालयले विक्री जिम्मा लिने ढाँचा साकार भएको छ।